ئامارێن مۆلەت و سەرمایێ وەبەرهێنانێ ل ساڵا ٢٠٢٢یێ ل دهۆکێ
دساڵا ٢٠٢٢یێ دا کەرتێ وەبەرهێنانێ ئێک ژ کەرتێن گەشەکریبوو ل سەر ئاستێ هەرێما کوردستانێ و دهۆک ژی بەهرا خۆ تێدا هەبوو لەوما دڤێ ساڵێ دا (١٣١) پڕۆژە هاتینە پێشكێشکرن و داخازا دانان و دامەزراندنا پڕؤژەیان کرینە ژ وێ هژمارێ (١٠٣) ژلایێ رێڤەبەریا گشتی یا وبەرهێنانێ ڤە ل دهۆکێ هاتینە پەسەندکرن و مامەلەیێن وان دقۆناغێن بڕێڤەچوونێ دا نە دگەل لایەنێن پەیوەندیدار بۆ پێدانا مۆلەتێ و ژ وان ژی هەتا نۆکە (١٦) پڕؤژەیان مۆلەتا وەبەرهێنانێ وەرگرتییە و سەرمایێ وەبەرهێنانێ دڤێ ساڵێ دا (١٠٥.٨٧٧.٣٥٧) ملیون دۆلارن.
ب بەرهەڤدان دگەل ساڵا ٢٠٢١ێ هژمارا پڕۆژەیێن مۆلەت وەرگرتی زێدەتربوویە کو (١٢) مۆلەتبووینە.
هەر بۆ زانین پڕۆژەیێن مۆلەت وەرگرتین دڤان سەکتەران دابووینە:-
- (٦) پڕۆژە دوارێ بازڕگانیدا بووینە.
- (٤) پڕۆژە دوارێ ساخلەمیێ دا بووینە.
- (٣) پڕۆژە دوارێ گەشتیاری دا بووینە.
- (٢) پڕۆژە دوارێ فێرکرن و پەروەردێ دابووینە.
- (١) پڕۆژە دوارێ پێشەسازیا چاندن و خوارنێ دا بوویە.
ژ ساڵا ٢٠٠٧ێ هەتا نۆکە دوماهیا ٢٠٢٢یێ (٢٥٩) مۆلەت هاتینە دان کو سەرمایێ وان (٥.٧٥٥.٨١٨.٨٠٤.٠٠) ملیار دۆلار بووینە .
بۆ زانین مۆلەتێن هاتینە دان بگشتی (٢٩٤) مۆلەت بووینە لێ ژبەر نەپێگیربوون و جیبجێنەکرنا رێنمایی و یاسایا وەبەرهێنانێ مۆلەتا وەبەرهێنانێ ژ (٣٦) پڕؤژەیان هاتییە ڤەکێشان و هندەک ژ وان پڕۆژەیان وەک دەرفەتێن وەبەرهێنانێ هاتینە راگەهاندن و هندەکان ژی مامەلەیێن وان بڕێڤەنە دا کو وەک دەرفەتێن نوی یێن وەبەرهێنانێ بهێنە راگەهاندن.