ئاکرێ.. نەخۆشخانەیەکێ مۆلەتا وەبەرهێنانێ وەرگرت

کەرتێ ساخلەمیێ گرنگییەکا تایبەت هەیە و هەموو هەوڵەک دهێتە دان کو وەبەرهێنان دئەڤی کەرتی پتر پێش بکەڤیت، لەوما ژی پشتی تەمامبوونا رێکارێن یاسایی و بەرهەڤکرنا مەرجێن پێتڤی، نەخۆشخانا ئایندە ل ئاکرێ مۆلەتا وەبەرهێنانێ وەرگرت.

نەخۆشخانا ناڤبری ژلایێ کۆمەکا نۆژدارێن بسپۆرڤە دێ هێتە چێکرن کو ژ ئاڤاهییەکێ (B+2) کو قاتێ ژێرئەرد ژ (پشکا تیشکێ، جهێن خزمەتگوزاری، پارکێن راوەستاندنا ترومبێلان، کۆگەهێ) پێک دهێت.

هەر دیسان قاتێ سەرئەرد ژی ژ (کارگێڕیا نەخۆشخانێ، پشکا تەنگاڤیان، تاقیگەهـ، کلینیک، دەرمانخانە، سەنتەرەکێ پزیشکی و جهێن خزمەتگوزاریان) پێک دهێت.

قاتێ ئێکێ ژی دێ (پشکا نشتەرگەریا، ICU، و ژۆرێن نەخۆشان) پێک هێت.

هەژی ئاماژەپێکرنێ یە کو دێ (٢٢) نۆژدار ژ بسپۆریێن جودا جودا ب ئاڤاکرنا ڤی پڕۆژەی رابن و ب کۆژمێ (٣.٥٧٨.٨٢٢) سێ ملیون و پێنجسەد و حەفتێ و هەشت هزار و هەشت سەد و بیست و دوو دۆلاران، د ماوێ (٢٤) مەهان دا ل سەر رووبەرێ (٤٩٠٠م٢) هێتە ئاڤاکرن.

بۆ زانین پڕۆژە دێ کەڤیتە دەڤەرا خرپە ل باژێڕێ ئاکرێ…