ئاگەهدارییەک ژ رێڤەبەریا گشتی یا وەبەرهێنانێ ل پارێزگەها دهۆکێ

رێڤەبەریا گشتی یا وەبەرهێنانێ ل پارێزگەها دهۆکێ ئاگەهداریا هەموو وان وەڵاتیان دکەت کو بەری نۆکە داخوازا دامەزراندنا ب گرێبەست ل رێڤەبەریا مە کری و فۆرم برێکا ئۆنڵاین پڕ کری، پشتی کو لژنەیەکا تایبەت رێکئێخستن و ڤاڤارتن و هەلسەنگاندنا زانیاریێن داخوازکاران ل گۆڕەی پیڤەرێن راگەهاندی بدوماهیک ئینای، ئەڤ بەڕێزێن ناڤێن وان دلیستا هەڤپێچ دا هاتینە دەست نیشانکرن ل دویف بلندترین خال.

بۆ زانین پێدڤیە هەر ژ رێکەفتی ٢٣/٨/٢٠٢٢ هەتا کو ٨/٩/٢٠٢٢ هەموو ئەوێن ناڤێن وان دلیستا هەڤپێچ دا هەموو بەراهیک و بەلگەنامەیێن خۆ ل گۆڕەی فۆرما پڕکری (رەسەن و کۆپیا رەنگین دناڤ فایلەکێ دا) ل دەمژمێر ١١:٠٠ هەتا ٠٢:٠٠ نیڤرۆ بینن و سەرەدانا لژنا تایبەت ل رێڤەبەریا مە بکەن.

دەمێن چاڤپێکەفتنێ ل رێکەفتی ١١/٩/٢٠٢٢ هەتا ١٥/٩/٢٠٢٢ ل دەمژمێر ١١:٠٠ هەتا ٠٢:٠٠ دێ هێنە ئەنجامدان و شارەزاییێن وەک زمانێ ئنگلیزی، عەرەبی، کومپیوتەر، ئەزمونێن کاری ل رۆژێن چاڤپێکەفتنێ دێ نمرە بۆ ھێنەدانان.

بۆ زانین ھەر کەسەکێ د دەم و رێکەفتێن دیارکری دا سەرەدانا رێڤەبەریا مە نەکەت ھیچ مافەک نامینیت، دیسان ھەر کەسێ پێزانینێن فۆرمێ و بەلگەنامەیێن وی یێن فەرمی ئێک نەگریت، فورما وی دێ پۆچ بیت و چ ماف نامینیت.

ھەر کەسەکێ نەرازی بیت کو ناڤێ وی دلیستا هەڤپێچ دا نینە و خۆ ب خودان ماف بزانیت پێدڤیە د دەم و رێکەفتێن دیارکری دا ب فەرمی نەرازیبوونا خۆ پێشکێشی رێڤەبەریا مە یا گشتی بکەت.

بۆ زانین ٢٣٥٠٢ کەسان پێشکێشی ٨ بسپۆریێن جودا کربوون و ١٤٥ کەس هاتینە هەلبژارتن بۆ چاڤپێکەفتنێ کو دێ ٢٦ ژ وان وەک فەرمانبەرێن گرێبەست هێنە دامەزراندن.

دڤی لینکێ ل خوارێ دا لیستا ناڤێن داخازکارێن ڤاڤارتی بۆ چاڤپێکەفتنا دامەزراندنا ب گرێبەست ببینە…