شاندەکا کۆنسولخانەیا ئسپانیا سەرەدانا رێڤەبەریا گشتی یا وەبەرهێنانا دهۆک کر و بەحسا دەرفەتێن وەبەرهێنانێ ل ڤێ پارێزگەهێ کرن.
د سەرەدانەکا تایبەت دا بۆ پاریزگەها دهۆکێ شاندەکا کۆنسۆلخانەیا وەڵاتێ ئسپانیا ل هەولێرێ سەرەدانا رێڤەبەریا گشتی یا وەبەرهێنانا پارێزگەها دهۆک کر و دگەل بەرێز کوردۆ ئحسان، رێڤەبەرێ گشتی یێ وەبەرهێنانێ، بەحسا دەلیڤێن وەبەرهێنانێ کرن و شاندا خاست زانیاریان دەربارەی یسایا وەبەرهێنانێ و مافێن وەبەرهێنەرێ بیانی، هەر دیسان وان بوارێن کو دشیاندایە وەبەرهێنەرێ ئسپانی ل پارێزگەها دهۆکێ پڕۆژەیان جێبەجێ بکەت.
جەنابێ رێڤەبەرێ گشتی ژی ب تێر و تەسەلی یاسا و دەلێڤێن وەبەرهێنانێ بۆ شاندا بالیۆزخانەیا ناڤبری زەلالکرن و داخاز ژ شاندێ کر کو کۆمپانیا و وەبەرهێنەرێن وەڵاتێ خۆ هان بدەن کو بهێن ل کوردستانێ وەبەرهێنانێ بکەن ب تایبەتی د وارێ گەشتوگۆزارێ چاندنێ و پێشەسازیێ دا.