ب بهایێ دوو ملیۆن دۆلاران پڕۆژەیەکێ رەوشەنبیری دێ ل دهۆک هێتە دانان

پێخەمەت زێدەکرنا چاڵاکی و بزاڤێن رەوشەنبیری ل پارێزگەها دهۆکێ و بەشداری پێکرنا کەرتێ تایبەت دڤی واریدا دەستەیا وەبەرهینانێ ل هەرێما کوردستانێ مۆلەتا دانانا پڕۆژەیەکێ رەوشەنبیری ب کۆژمێ دوو ملیۆن دۆلاران دایە وەبەرهێنەرەکێ خۆمالی.

ل دویڤ یاسایا وەبەرهێنانێ یا ژمارە (٤) یا یا ساڵا ٢٠٠٦ێ مۆلەتا (١٠٢٨) دایە پڕۆژێ (کۆمەڵگەها چارستین یا رەوشەنبیری) کو ژ هۆڵێن کۆنفڕانس و کۆمبوونان و کافتریا و چەند بەشەکێن دیتر پێک دهێت.

پڕۆژە ل سەر رووبەرێ (٥٤٧٤،٨١)مەترێن دووجار ب کۆژمێ (٢) ملیۆن دۆلاران دێ هێتە بجهئینان.

ھەژی گۆتنێ یە كو دڤێ ھەیڤێ دا سێ سێ پڕۆژان ل پارێزگەھا دھۆكێ مۆلەتێن وەبەرھێنانێ وەرگرتینە كو ئەڤێن ل خارێنە:

١-پڕۆژێ كاڤین یێ خودانكرنا چێلان و كارگەھا سپیاتیان ل سێمێلێ.

٢-پڕۆژێ نەورۆز بازار یێ بازڕگانی ل ئاكرێ.

٣-پڕۆژێ چارستینیێ رەوشەنبیری ل دھۆكێ.