دەستەیا وەبەرهێنانێ داخوازا ڤەکۆلینەکا ل دۆر چاندنێ ژ زانینگەها دهۆک دکەت
ئێک ژ ئارمانجێن سەرەکی یێن کابینەیا نەهێ، گرنگیدان و پێشئێخستنا کەرتێ چاندنێ یە، بۆ ڤێ مەرەمێ ژی سەرۆکێ دەستەیا وەبەرهێنانێ، رێزدار د. محمد شوکری پێشوازی ل سەرۆکی زانینەگەها دهۆکێ رێزدار د. داود ئەترووشی و چەند مامۆستایێن کۆلیژا چاندنێ یێن زانینەگەها دهۆکێ کر و رەوشا چاندنێ و بەرهەمێن وی کەرتی گەنگەشەکر.
سەرۆکێ دەستەیا وەبەرهێنانێ د کۆمبوونێ دا بەحسا هەوڵ و پێنگاڤێن کابینەیا نەهێ بۆ پێشئێخستنا کەرتێ چاندنێ و بۆچوون و دیتنا سەرۆکێ حکومەتا هەرێما کوردستانێ رێزدار مەسروور بارزانی بۆ بەرفرەهکرنا ژێدەرێن داهاتی ل کوردستانێ کر، هەروەسا ب گرنگ زانی زانینگەهێن کوردستانێ و سازیێن تایبەت ب ڤەکۆلینان پتر کار ل سەر سێکتەرێ چاندنێ بکەن و باشتر مفا ژ ئاخ و ئاڤ و هەوایێ کوردستانێ وەربگرن.
هەروەسا رێزدار سەرۆکێ دەستەیا وەبەرهێنانێ ئاماژە دا وێ ئێکێ ژی کو دەستەیا وەبەرهێنانێ دێ پشێوازیێ ل هەر دەستپێشخەرییەکێ کو ببیتە ئەگەرێ ڤەژاندنا چاندنێ و بلندکرنا ئاستێ بەرهەمێن ناڤخۆ.