دەڤەرا پیشەسازیا کانی سپیێ پڕۆژەیەکێ تاکانە یە لسەر ئاستێ ئیراقێ

دوارێ پڕۆژەیێن ستراتیژی و مەزن دا کو دێ دەلیڤەیێن مەزن بۆ وەبەرهێنانێ ب تایبەتی دەلیڤەیێن کاری ل رەخسینن دێ بدوماهی هێن و هندەک ژی دێ دەست پێ کەن، بۆ نموونە ل ڤان نێزیکان دێ دەڤەرا کانی سپیێ کو دەڤەرەکا تایبەتە ب پێشەسازیا خوارنی ڤە دێ بدۆماهی هێت و وەبەرهێنەر دێ شێن وەبەرهێنانێ تێدا بکەن هەر دیسان ب هەمان شێوە دپلان دایە کو دەڤەرەکا دیتر یا پیشەسازیا خوارنێ دناڤبەرا هەرسێ قەزایێن بەردەڕەش و ئاکرێ و شێخان دا بهێتە دروستکرن دا کو بەرهەمی وێ دەڤەرێ وەبگریت.

دەربارەی دەڤەرا پیشەسازیا کانی سپیێ ئەو دێ گهۆڕینەکا مەزن و بنگەهی دوارێ پیشەسازیا خوارن و کۆگەهکرنا بەرهەمێن خوارنێ و جۆتیاریێ دا دروست کەت.

• ئەڤ دەڤەرە لسەر رووبەرێ (١٤٢٣) دۆنەمێن ئەردی دهێتە ئاڤاکرن.

• دێ (٢٧٥) کارگەهێن جودا جودا تێدا هێنە دانان.

• دێ (٢٢٩) کۆگەهێن سارکەر و کۆگەهێن ئاسایی تێدا هێنە چێکرن.

• دێ پتری (٥ هزار) دەرفەتێن کاری بۆ هاوڵاتیان رەخسینیت.

• ژلایێ هەردوو کۆمپانیێن (Legacy Construction & Innovate Construction)ــە دهێتە بجهئینان.

• مۆلەتا ژمارە (١٠٤٠) ل وەبەرهێنانا دهۆکی وەرگرتییە.

• سەرمایێ پڕۆژەی پتری (٧٠ ملیار) دینارانە.

خزمەتگوزاریێن دەستپیکی وەک جادە و ئاڤ و کارەبا بدوماهیک هاتینە.