د راستەوخۆیەکا کەناڵێ کوردستان ٢٤ دا بەڕێز رێڤەبەرێ گشتی یێ وەبەرهێنانا دهۆکێ، کوردۆ ئحسان بەحسا ڤەگوهاستنا پیشەسازیا بەڕۆشکێ و ئەو پڕۆژەیێن کو دی دپاشەڕۆژێ دا ل رۆژهەلاتا بەڕۆشکێ هێنە دانان و گۆت گرنگترین پڕٶژە ئەوە کو دێ بەڕۆشکێ بیتە خودان پارکەکا بەرفرەهـ .
کوردۆ ئحسان هەر دوی واریدا راگەهاند کو خودانێن دوکانێن پێشەسازیێ و ئەوێن کو کرێدار ژی بوون قەرەبووکرینە و پێشەسازیا نووی ل رۆژئاڤایێ باژێڕێ دهۆکێ ب ڕێکا وەبەرهێنەرەکی دهێتە چێکرن.
هەروها رێڤەبەرێ گشتی یێ وەبەرهێنانا دهۆکێ گۆت ئێدی دێ حکومەت ژی پێشنیار و دەرفەتا پێشکێشی وەبەرهێنەران کەت و وان پلانەک هەیە کو ئیدی ئەو رێیا پێشکشێکرنا پڕۆژەیێن وەبەرهێنانێ یا هەتا نۆکە هەیی بهێتە گۆهڕین و حکومەتێ پێشنیار و پڕۆژە هەبن و وەبەرهێنەر بهێنە داخوازکرن بۆ ئەنجامدانا وان پڕۆژەیان.
رێڤەبەرێ وەبەرهێنانێ گۆت ژی ئەو نۆکە پلانا خۆ بۆ چار ساڵێن داهاتی ددانن و لگەل رێڤەبەر و بەرپرسیارێن یەکەیێن ئیداری و پەیوەندیدار کۆمبوونا دکەن بۆ هندێ کو وێ گاڤێ بسەرکەفتیانە بهاڤێژن و ئێدی حکومەت ل دویڤ پێتڤیاتیا دەڤەران داخازێ ژ وەبەرهێنەران بکەت کو پڕٶژەیان پێشکێش بکەن.