لڤان نێزيكا ده‌ڤه‌رداريا سێمێلێ دێ بيته خودان پروژه‌يه‌كێ ساخله‌ميێ يێ مه‌زن
ئه‌ڤرو رێکەفتی 10/12/2023 رێڤەبەرێ گشتی یێ وەبەرهێنانێ بەڕێز دکتۆر (هەڤال صدیق اسماعیل) دگه‌ل ئەندازیاریێن رێڤەبەریا مە یا گشتی و ستافێ راگەهاندنی سەرەدانا پروژى وه‌به‌رهێنانێ يێ بناڤێ نەخوەشخانەیا (سێوار) یا تایبەت دا . كو د هێته جێبه‌جێكرن ژلايێ وه‌به‌رهێنه‌ر ( د. بهاء الدين بشار سعيد).نەخوەشخانەیا (سێوار) یا تایبەت كو دبيته پڕۆژەیەکێ وەبەرهێنانێ و د ده‌مه‌كێ نێزيك دا كه‌ڤيته د خزمه‌تا هاولاتيان دا .
رێژا كاركرنا پروژه‌ى گه‌هشتيه( 85 ٪ ).و ب دوماهيك ئينانا پروژه‌ى دێ ده‌رفه‌تا كارى په‌يداكه‌ت بو پرتر ژ (250) كه‌سان ژ پزيشك و نوژدار و برينپێچ و فه‌رمانبه‌رێن كارگێرى و خزمه‌ت گوزارى.
سەرمایێ پڕۆژەی (9،377،143$) نه‌هـ ملیۆن و سێسه‌د و حه‌فتێ و حه‌فت هزار و سه‌دو چل و سێ دۆلارنه .
پڕۆژە پێک دهێت ژ.
ئاڤاهيه‌كێ چار قاتى:.
قاتێ بن ئه‌رد: بو راوه‌ستاندنا ترومبێلا. قاتێ سه‌رئه‌رد: بو رێڤه‌به‌رنا (6) كلينيكان و تاقيگه‌هـ تيشك, ده‌رمانخانه ,خزارنگه‌هـ , ماركێت. قاتێ ئێكێ: (10) كلينيك و ته‌شريح و ژورا برينپێچ و كافتريا , سونار ,مزگه‌فت.قاتێ دووێ: (10 ) كلينيك ژورا برينپێچ و كافتريا و خزمه‌ت گوزارى پزيشك .
زێده‌بارى به‌شێ چاڤدێريا چر (ISU) دگه‌ل (5) ژورێن نيشته‌گه‌ريان هه‌رديسان ژورا نيشته‌گريا ژدايك بونا ژوه‌ر تايبه‌ت ب نشته‌گه‌ريێن (ئونلاين) هه‌روه‌ها به‌شه‌كێ تايبه‌ت ب پاقژكرنا ئوكسجينێ (جهاز تنقية الاكسجين).