دهۆك-KDP.info- ل پاریزگەها دهۆکێ داخوازی ل سەر ئەنجامدانا پڕۆژەیێن وەبەرهێنانێ زێدەبوویە، ڕیڤەبەرێ گشتی یێ وەبەرهێنانا دهۆک ژی دبێژیت وان ل سەر خەمساریا دکاری دا هژمارەکا وەبەرهێنەران داینە دادگەهێ.
رێڤەبەرێ گشتی یێ وەبەرهێنانا دهۆک، کوردۆ ئحسان بۆ مالپەڕێ فەرمی یێ پارتیا دیموکراتا کوردستانێ راگەهاند: “داخوازی ل سەر ئەنجامدانا پڕۆژەیێن وەبەرهێنانێ دهەموو واران دا ل سنوورێ پارێزگەها دهۆکێ زێدەبوویە، بەلێ وان دڤێت پالانا وەبەرهێنانێ ئامادە بکەن و پاشی دەرفەتا کاری بۆ وەبەرهێنەرێن بیانی و ناڤخۆ رابگەهینن”.
هەر دەربارەی وەبەرهێنانا دوارێ ئاکنجیبوونێ دا رێڤەبەرێ گشتی یێ وەبەرهێنانا دهۆک دبێژیت:”پیدانا مۆلەتێ بۆ پڕۆژەیێن ئاکنجیبوونێ هاتیە راگرتن، چونکی پێداچوون بۆ دهێتەکرن و مە دڤێت ب شێوەیەکی مۆلەتا بدەینە وان جۆرە پڕۆژەیان کو ئارمانجا خۆ بدەستڤە بینن، کو ئەوژی قەیرانا ئاکنجیبوونێ چارەسەر بکەن، پشتی پێداچوون ب دوماهی دهێت دێ مۆلەت هێنە دان.
کوردۆ ئحسان گۆت ژی:”ئەو ثڕۆژەیێن وەڵاتیان یەکیێن ئاکنجیبوونێ کڕین و نە هاتینە تمامکرن، مە بەشەکێ زێدە ژوان رادەستی هندەک وەبەرهێنەرێن دیتر کرینە و کاری تیدا دەستپێکریە، هژمارەکا وەبەرهێنەران ژی ژ بەر خەمساریا دکارێ پڕۆژەیان دا مە داینە دادگەهێ دا کو رێکارێن یاسایی دژی وان بگرینە بەر”.
قائید میرۆ