موله‌تێن وه‌به‌رهێنانێ يێن دمه‌هێن (1 و ٢) یێن ساڵا ٢٠٢١ێ هاتینە دان

دچارچووڤەیێ پلانا گرنگی دان ب کەرتێ وەبەرهێنانێ بۆ ئاڤاکرنا ژێرخانەکا ئابووری یا بهێز و پالپشت ب بەشدارکرنا کەرتێ تایبەت د پێشکێشکرنا خزمەتگوزاری و پڕۆژان دا، ل دویڤ یاسایا وەبەرهێنانێ یا ژمارە (٤) یا ساڵا (٢٠٠٦) کۆمەکا مۆلەتا ل هەموو هەرێما کوردستانێ ب پڕۆژەیێن وەبەرهێنانێ هاتینە دان کو پشکا پارێزگەها دهۆک ژی ژێ نە یا کێمە.
مۆلەتێن وەبەهێنانێ هەر ژ (٠١/٠١/٢٠٢١ هەتا ٢٨/٠٢/٢٠٢١) هاتینەدان دبنە هەشت مۆلەتن کو سەرمایێ گشتی یێ وان دبیتە (١٢٧،٠٨٣،٥٩٩،٠٠) ملیۆن دۆلار، ب ئاڤاکرنا ئەڤان پڕۆژان دێ بیتە ئەگەر گەشەکرنا ئابوورێ هەرێمێ بگشتی و پارێزگەها دهۆک ب تایبەتی، ژبەرکو ئێخستنا ڤی کۆژمێ پارەی دناڤ ئابووریا پاریزگەها دهۆکێ دا دێ بیتە ئەگەرێ زێدەبوونا دەلیڤێن کاری و لڤینەکا ئەرێنی د بزاڤا ئابووری دا.
ئەڤ مۆلەتێن هاتینە دان بۆ وەبەرهێنەرێن خۆمالینە، ئەڤەژی ئامناژەیە کو دێ هەموو سەرمایێ ڤان پڕۆژان دناڤ هەرێمێ دا کەڤیتە دخزمەتا کەرتێ وەبەرهێنانێ دا.
هەروەسا ئێک ژ مۆلەتێن کو هاتیە دان مۆلەتا دەڤەرا پێشەسازیا خوارنانە ل دەڤەرا کانی سپییێ یە کو ب سەرمایێ پڕۆژەی پتری (٦٧) ملیۆن دۆلارانە.
دیسان ئێک ژ مەزنترین پڕۆژێن چاندنیێ ل هەرێما کوردستانێ کو پڕۆژێ (کاڤینە یێ) خودانکرنا چێلان و دابینکرنا ئالفی یە کو سەرمایێ وی (٤٠) ملیون دۆلارن.
تشتێ باڵکێش د پێشکێشکرنا مۆلەتان دا دابەشکرنا جهێ جوگرافی بەرچاڤ هاتیە گرتن، ژبەرکو سەنتەرێ پارێزگەهێ بتنێ ژێ مفادار نینە بەلکو پڕۆژە هەنە ل ناحیا ژی مۆلەت وەرگرتیە، بۆ نموونە ل دەڤەرا باتیفا یا سەر ب قەزا زاخۆ ڤە مۆلەت ب پارکا زەمبیلفرۆش یا گوزاری هاتیە دان کو سەرمایێ پڕۆژەی ژی (١٠)ملیۆن دۆلارن.
هەڤپێچ لیستا زانیاریێن پڕۆژێن د دوو مەهێن بووریدا مۆلەت وەرگرتی..