پارێزگەهـ و ئیدارەیێن سەربخۆ دێ یەکەیێن ئاکنجیبوونێ ئێکلاکەن
سەرۆکێ دەستەیا وەبەرهێنانێ یا هەرێما کوردستانێ رێزدار محەمەد شوکری راگەهاند پارێزگەهـ و ئیدارەیێن سەربخۆ دێ وان کەسان دەستنیشان کەن کو هێژایی وەرگرتنا یەکەیێن ئاکنجیبوونێ نە.
سەرۆکێ دەستەیا وەبەرهێنانێ دچاڤپیکەفتنەکا رۆژنامەڤانیدا راگەهاند پڕۆسەیا پڕکرنا فۆرما یەکەیێن ئاکنجیبوونێ بەردەوامە و هژمارا کەسێن فۆرم پێشکێشکری نیزیکی ٨٠ هزاران بوویە و هەتا دەستپێکا مەها بهێت ژی دێ بەردەوام بیت و دەسهەلات ب پاریزگەهـ و ئیدارەیێن سەربخۆ هاتیە دان کو ناڤێ وان کەسان دەستنیشان بکەن کو هێژایی وەرگرتنا یەکەیێن ئاکنجیبوونێ نە و ئەڤ پڕۆسەیە دێ هەتا دوویێ مەها تیرمەهێ ئانکو02/07/2022 ژی بەردەوام بیت.
رێزدار محەمەد شوکری گۆت ژی هەر دەما پڕۆسە بدوماهی هات هەر پاریزگەهەک و ئیدارەیەکا سەربخو دێ پاسوورد و یوزەرێن خۆ دەرێخن و ئەو دێ سەرەدەریێ دگەل دا کەن کا کی هیژایی یەکەیێن ئاکنجیبوونێ نە و بۆردەکی تایبەت ل هەموو پاریزگەهـ و ئیدارەیێن سەربخۆ دێ ب چاڤدێریا دەستەیا وەبەرهێنانی ڤێ پڕۆسەیێ جێبجێ کەن، هەروەسا گۆت ژی پشتی ناڤ دهێنە ئێکلاکرن دێ گاڤێن دیترژی دەستپێ کەن.
بەڕێزی دەربارەی تەرخانکرنا ئەردی و وەبەرهێنەری ژی راگەهاند کو دێ ددەمەکێ نیزیک دا ئەو چەند ژی هێتە ئێکلاکرن.