پڕۆژەکێ وەبەرهێنانێ یێ وەرزشی ل کۆمەڵگەها باگێرا هاتە ڤەکرن
ئەڤرۆ دمەڕاسیمەکێ بەرفرەهدا ب ئامادەبوونا پارێزگارێ دهۆکێ بەڕێز عەلی تەتەر و رێڤەبەرێ گشتی یێ وەبەرهێنانێ ل پارێزگەها دهۆکێ و هژمارەکا مەزن ژ بەرپرسێن حکومی و حزبی و ریسپی و ماقیلێن دەڤەرێ پڕۆژێ کۆمەڵگەها باگێرا یا وەرزشی هاتە ڤەکرن و کەتە دخزمەتا وەڵاتیان دا.
دپەیڤەکێ دا پارێزگارێ دهۆک گۆت کو ڤەکرنا پڕۆژێ کۆمەڵگەها باگێرا یا وەرزشی ل دەڤەرەکا وەک باگێرا دەستپێکەکە کو بەرێ پڕۆژێن وەبەرهێنانێ کەتیە دەڤەرێن جودا جودا و ژ سەنتەرێ باژێڕێن مەزن دیرکەتن دا کو خەلکێ دەڤەرێن دەوروبەر ژی بشێن مفادار بن ژ هەموو خزمەتگوزاریێن پڕۆژێن وەبەرهێنانێ.
پاشی ئامادەبوویێن مەراسیمێ سەرەدانەکا مەیدانی بۆ ناڤ پێکهاتێن پڕۆژەی کر و ئامادەبوویان دلخۆشیا خۆ ب پڕۆژەی دیارکر.
پڕۆژە ژ لایێ کۆمپانیا رۆما ڤە هاتیە بجهئینان و ژ هۆڵەکا وەرزشی، مەلەڤانگەهـ، ساونا، ئۆفیس و چەند خزمەتگوزاریێن دیتر.
رووبەرێ (١٤٢٢،٧٤)مەترێن دووجا و ب سەرمایێ (٨٠٠) هزار دۆلاران هاتیە ئاڤاکرن.
گرنگیا ڤی پڕۆژەی دهندێ دایە کو دێ ژبلی خەلکێ باگێرا، خەلکێ زاویتە، مانگێش، سیارەتیکا و گوندین دەوروبەر ژی شێن مفای ژێ بینن.