پڕۆژەیەکێ گەشتیاری (مۆتێلا میهراز یا مودرێن) مۆلەتا وەبەرهێنانێ ل وەرگرت

ژبەر ساڵانە رێژا گەشتیاران دزێدەبوونێ دایە و حکومەتا هەرێما کوردستانێ کابینەیا نەهێ گرنگیییەکا تایبەت دایە کەرتێ گەشتیاری، لەوما پشتەڤانییا هەموو وان وەبەرهێنەران دکەت کو داخازا پڕؤژەیان دکەتێ ناڤبری دا دکەن، لەوما مۆتێلا میهراز یا مۆدرێن کو دێ ژ (٤٠) یەکەیێن مۆتێلان پێک هێت پشتی تەمامکرنا رێکارێن یاسایی مۆلەتا وەبەرهێنانێ وەرگرت و دێ دماوێ (٢٤) مەهان دا هێتە جێبجێکرن.

مۆتێلا ناڤبری ژ ئاڤاهییەکێ (B+G+5) قاتی کو ژ (٤٠) یەکەیێن مۆتێلان پێک دهێت و بڤی رەنگی: قاتێ بن ئەرد بۆ پارکێن راوەستاندنا ترومبێلان هاتییە تەرخانکرن هەروەسا قاتێ سەر ئەرد دێ بۆ خوارنگەهـ و مارکێت و کارگێریا مۆتێلێ بیت و هەر پێنج قاتێن دیتر دێ بۆ یەکەیێن مۆتێلێ بیت.

دیسان دێ پارکا راوەستاندنا ترومبێلان و باخچە و کەسکاتی و جهێن ڤەکری ژی دناڤ پڕؤژەی دا هەبن.

پڕۆژە ژلایێ وەبەرهێنەره‌كێ به‌رنياس يێ پارێزگه‌ها دهوكێ ئه‌ندازيار (دلۆڤان رەسوول بەرەکات) ڤه‌ و ب کۆژمێ  (٢،٠٤١.٨٤٠$) دوو ملیون و چل و ئێک هزار و هەشت سەد و چل دۆلاران ل سەر رووبەرێ (١١٦٨.٥٨) مەترێن دووجا ل دەڤەرا کێڤڵا یا سەر ب قەزایا سێمێلێ ڤە هێتە جێبجێکرن.