کۆمبوونەک بۆ پێشئێخستنا وەبەرهێنانا چاندنێ و کەرتێ چاندنێ بگشتی
ئەڤرۆ رۆژا چارشەمبێ رێکەفتی ٢٠٢٣/١٢/٦ ئامادەبوونا رێڤەبەرێ گشتی یێ وەبەرهێنانێ ل پارێزگەها دهۆکێ بەڕێز (دکتۆر هەڤال صدیق اسماعیل) ل دیوانا رێڤەبەریا گشتی یا چاندنا پارێزگەها دهۆکێ کۆمبوونەکا بەرفرەهـ کو تێدا هە شاندەکێ وەزارەتا چاندنێ و ژێدەرێن ئاڤێ یا حکومەتا هەرێما کوردستانێ بسەرۆکاتیا شیرەتكارێ وەزارەتێ بەڕێز (د. لەزگین حەجی عەساف) و رێڤەبەرا گشتی یا زەڤی و زاران ل وەزارەتا ناڤبری خانما (نەرمین محیەدین) و ریڤەبەرێ گشتی یێ چاندنێ ل پارێزگەها دهۆکێ بەڕێز (ئەحمەد جەمیل) ئامادەببوون، تیدا بەحسا پرۆژەیێن چاندنێ یێن ژلایێ وەبەرهێنەرانڤە دهێنە دورستکرن کو پتر کار ئاسانکرن بۆ وەبەرهێنەران بهێتەکرن تایبەت دوارێ کێمکرنا روتینێ و گەهاندنا خزمەتگوزاریێن کو دیاسایا وەبەرهێنانێ دا وەک پشتەڤانی بۆ کەرتێ وەبەرهێنەران هاتینە جێگیرکرن و دیسان رەوشا چاندنێ، چارەسەرکرنا کێشێن هەلاویستی، کیمکرنا رۆتین و چەوانیا زێدەتركرنا هەماهەنگی و خزمەتگرنا جوتیاران، دڤێ کۆمبوونێ دا گەلەک ئاستنەگ هاتنە ڕاکرن و داکوکی هاتەکرن کو دڤێت كەرتێ چاندنێ پتر بەرەڤ پێش بچیت و ببیتە ژێرخانەكا بهێز یا خۆارنێ و ئابووری، و زێدەتر خزمەتا کەرتێ چاندنێ و جوتیارێن پارێزگەها دهۆکێ ژی بهێتەکرن.