بو جارا ئێكێ يه پرۆژه‌كێ وه‌به‌رهێنانێ ل ناحيا (كه‌له‌ك)ێ مۆله‌تا وه‌به‌رهێنانێ وه‌رگرت
دچارچووڤێ گرنگیدانا حکومەتا هەرێما کوردستانێ ب بەرهەمێ ناڤخۆ تایبەت بوارێ چاندنێ وخوارنێ و پشتی تمامبوونا رێکارێن یاسایی و کارگێڕی عەلوە و کۆگەهەکا سارکەر مۆلەتا وەبەرهێنانێ یا ژمارە (4679) ل رێڤەبەریا گشتی یا وەبەرهێنانا پارێزگەها دهۆکێ وەرگرت و دێ دماوێ دو ساڵان دا هێتە بجهئینان. عەلوە و کۆگەها سارکەر یا کەلەکا یاسین ئاغا کو پڕؤژەیەکێ بازڕگانییە و سەرمایێ وەبەرهێنانێ تیدا (1،306،280) ملیونەک و سێسەد و شەش هزار و دوو سەد و هەشتێ دۆلارن. پڕؤژە دێ ژلایێ وەبەرهێنەر (حسیب تەحسین نادر)ڤە د ماوێ دوو ساڵان دا هێتە بجهیئینان و رووبەرێ پڕۆژەی ژی (10،000م2)یە و پێک دهێت ژ دوو قاتان کو کۆگەها سارکەر، هۆڵا ژێکجوداکرنا بەرهەمان دگەل جهێ تایبەت ب بارکرنێ، هۆڵا فرۆتنا کەلوپەلان تێدایە و دیسان قاتێ سەر ئەرد ژی ژ هۆڵا فرۆتنێ، خوارنگەهـ، کافێ، خزمەتگوزاریێن گشتی و قاتێ ئێکێ ژی ژ هۆڵا فرۆتنا کەلوپەلان و کارگێڕیا پڕۆژەی، قەپان و ۆارکێن راوەستاندنا ترومبێلێن بچووک و مەزن و دەڤەرێن کەسکاتی وچەند بەشێن دیتر.