بۆ جارا ئێکێ کارگەهەکا گێجێ مۆلەتا وەبەرهێنانێ وەرگرت

دچارچووڤێ گرنگیدانا کابینەیا نەهێ یا حکومەتا هەرێما کوردستانێ ب بەرهەم و شیانێن خۆمالی و پشتی تمامکرنا رێکارێن یاسایی و کارگێڕی کارگەهەکا دروستکرنا گێجێ ل قەزا سێمێلێ مۆلەتا وەبەرهێنانێ وەرگرت.

ل دویڤ نڤێسارا فەرمانا مۆلەتێ یا ژمارە (١٢٨٠/د) کارگەها دهۆک-گێچ وەک پڕۆژەیەکێ پێشەسازی مۆلەتا وەبەرهێنانێ وەرگرتیە کو سەرمایێ پڕۆژەی (٢١.١٨٨.٥٤٢$) بیست و ئێک ملیۆن و سەد و هەشتێ هزار و پێنج سەد و چل و دوو هزار دۆلار و دێ ژلایێ وەبەرهێنەر (کۆمپانیا راویتە)ڤە هێتە بجهئینان.

پڕۆژە دێ لسەر رویبەرێ (٥٠٠٠٠م٢) هێتە ئاڤاکرن و دێ (١٢)مەهاندا هێتە بجهئینان و پێک دهێت ژ کارگێڕیا پڕۆژەی، کارگەهـ، تاقیگەهـا گێجێ، جهێ تێکەلکرنا کەرەستەیان، جهێ کەرەستەیان، جهێ لێبکرنا گێجێ، جهێ داگرتن و کۆگەهکرنا بەرهەمی، جهێ کرێکارا، یەکەیا چارەسەرکرنا ئاڤا گران، تانکیێن ئاڤێ، پارکا راوەستاندنا ترومبێلان و جادە و کەسکاتی و جهێ موەلیدەیێن کارەبێ.

پڕۆژە دکەڤیتە قەزا سێمێلێ ل ناحیا فەهیدیێ.