حەفت پرۆژەیان مۆلەتا وەبەرهێنانێ وەرگرتییە و ئێک ژی هاتییە هەلوەشاندن
دنیڤا ئێکی یا ساڵا ٢٠٢٢ێ دا حەفت پرۆژەیان مۆلەتا وەبەرهێنانێ وەرگرتییە و ئێک ژی هاتییە هەلوەشاندن.
پشتی کو حکومەتا هەرێما کوردستانێ بڕیار دایی کو پتر ئاسانکاریان بۆ وەبەرهێنەران بکەن ب پێدانا مۆلەتا پڕۆژەیێن وەبەرهێنانێ، ئێدی هەموو رێکارێن بڕێڤەبەرن و وەرگرتنا مۆلەتێ ل رێڤەبەریێن گشتی بڕێڤەچووین، ل رێڤەبەریا مە یا گشتی هژمارەکا پڕۆژەیان هاتنە پێشکێشکرن و بەشەک ژ وان مۆلەت وەرگرتییە و نۆکە دکاریدانە و بەشەک ژی مامەلەیێن وان د‌هێنە بڕێڤەبرن و دێ ل نێزیک بەشەکێ دیتر ژی مۆلەتێ وەرگرتن و سەرمایەکێ باش ئێخنە دخزمەتا ژێرخانا ئابووری یا هەرێما کوردستانێ دا.
بۆ زانین دماوێ شەش مەهێن دەربازبوویی دا (٧) پرۆژەیان مۆلەتا وەبەرهێنانێ وەرگرتییە و سەرمایێ هەر حەفت پڕۆژەیان دبینە ( ٣٤.٠١٦.٤٩٤ ) دۆلارن.
هەژییە دیار بکەین کو پڕۆژە دڤان سەکتەراندانە: بازرگانی (٣)، پیشەسازیا چاندنێ (١)، ساخلەمی (٢) و فێرکرن(١).
هەر وەسا هەر ماوێ شەش مەهێن دەربازبوویی دا مۆلەتا پڕؤژەیەکی هاتییە هەلوەشاندن ژبەر کو وەبەرهێنەر نەیێ پێگیربوو ب بڕێڤەبەرنا پڕۆژەی ل دویڤ یاسایێ و مەرجێن کو دسایت پلانێ پڕۆژەی و مۆلەتێ داهاتینە دانان.