دهۆك.. پڕۆژەیەکێ پەروەردەیی مۆلەتا وەبەرهێنانێ وەرگرت

پەروەردە ئێک ژ سەکتەرێن هەرە گرنگە بۆ پێشکەتنا جڤاکان و حکومەتا هەرێما کوردساتنێ ژی یا رژدە ل سەر گرنگیپێدان و پێشئێخستنا ڤی بواری، لەوما وەبەرهینانا پەروەردەیی تایبەتمەندیا خۆ هەیە و بۆ پڕۆژەیێن ڤی کەرتی هەموو ئاسنکارییەکێ پێشكێش دکەت.
ل ڤان رۆژان رێڤەبەریا گشتی یا وەبەرهێنانێ ل دهۆکێ مۆلەتا وەبەرهێنانێ دایە کۆمەڵگەها پەروەردەیی یا بناڤێ (Montessori) کر کو دکەڤیتە دەڤەرا كێڤڵا ل دهۆکێ.
کۆمەلگەها ناڤبری پێكدهێت ژ قوتابخانەیەکێ و باخچەیەکێ زارۆکان کو دێ د ئاڤاهییەکێ دوو قاتی دا بیت.
قاتێ ئێکێ دێ بۆ ١٢ پۆلێن خواندنێ دگەل کارگێڕیا قوتابخانێ و جهێن خزمەتگوزاری و کافتیریایێ هێتە تەرخانکرن دیسان دێ چار پۆ لی ژی بۆ باخچەیێ زارۆکان و کارگێڕیا وان و پێتڤیێن وان بیت.
قاتێ دیتر دێ بۆ ١٨ پۆلێن خواندنێ و هۆڵ و پەرتووکخانە و شەش تاقیگەهان و گۆڕپانا وەرزشی و یاریان و جهێن ڤەکری و کەسکاتی و پارکێن راوەستاندنا ترومبێلان بیت و پڕۆژە دێ دماوێ ٢٤ مەهاندا هێتە بجهئینان.
سەرمایێ پڕۆژەی ٢.١٨٩.٨٦٣ ملوین دۆلارن و دێ ژلایێ وەبەرهێنەرا کۆمپانیا Halden ــڤە هێتە ئاڤاکرن.