دوو وەبەرهێنەران خەلاتێ ساڵێ یێ پارێزگەها دهۆكێ وەرگرت
د چارچۆڤێ مەراسیما كەڕناڤاڵا پارێزگەهبوونا دهۆكێ دس كو بڕگەیەك ژێ یا تەرخانكرییە بۆ خەلاتكرنا وان كەسان كو خزمەتەكا بەرچاڤ و ژهەژی بۆ پارێزگەها دهۆكێ كرین، ئەڤ ساڵەژی دوو وەبەرهێنەرێن كو چەندین پڕۆژەیێن مەزن ل دەڤەرێن جودا جودا یێن پارێزگەها دهۆكێ ئەنجامدایین دناڤ خەلاتكریاندا بوون.
هەردوو وەبەرهێنەر (زكری بارزانی) و (حەجی مەشهوود ئەمین) كو مۆلەتا وەبەرهێنانێ بۆ چەندین پڕۆژەیان ژ دەستەیا وەبەرهێنانێ – رێڤەبەریا گشتی یا وەبەرهێنانێ وەگرتینە.
بەشەك ژ پڕۆژەیێن وەبەرهێنەر زكری بارزانی:- پڕۆژەیێن فاملی مۆڵ، فاملی فان، تێرمیناڵا دهۆك، كارگەها شیرەمەنی و خودانكرنا گۆلكان، پڕۆژەیەكێ چاندنێ ل سێمێلێ و دیسان چەندین پڕۆژەیێن ئاڤەدانیێ وخزمەتگۆزاری ب ڕێكا رێڤەبەریێن دیتر یێن حكومەتا هەرێما كوردستانێ جێبجێ كرینە.
بەشەك ژ پڕۆژەیێن وەبەرهێنەر حەجی مەشهوود ئەمین:- مازی لاند، گوندێ بابلۆ یێ گەشتیاری، درێم ستی، گولخانا مازی، كارگەهێن ئاڤا مازی و كارگەها ئیستیقبال، دیسان ل باتیفا پڕۆژێ درێم ستی و زەمبیل فرۆش و سەید غەزال.