سێ پرۆژه‌يان ل شاريا و شێخان موله‌تا وه‌به‌رهێنانێ وه‌رگرت
گرنگیدانا حکومەتا هەرێما کوردستانێ ب کەرتێ گشتی و کەرتێ وەبەرهێنانێ بتایبەتی بۆ دەرفەت ل بەرڤەکرن بۆ پتر دیتنا رۆلێ خۆ دئاڤەدانکرنێ و چێکرنا دەرفەتێن کاریدا ل هەرێما کوردستانێ برێکا وەبەرهێنانێ سەرمایێ خۆ بێخنە دوارێ خزمەتا گشتی دا، بوویە ئەگەر کو رۆژ بۆ رۆژێ خواستا پێشکێشکرنا پڕۆژەیێن بازڕگانی زێدەتر ببیت، لڤان رۆژان ژی رێڤەبەریا گشتی یا وەبەرهێنانێ سێ مۆلەت بۆ پڕۆژەیێن بازڕگانی دەرێخستن کو (دوو ژێ ل کۆمەڵگەها شاریانە) و (ئێک ژێ ل قەزا شێخانە) ل دویڤ راسپاردەیێن حکومەتا هەرێما کوردستانێ بۆ راکێشانا وەبەرهێنەران بۆ جهێن کێم خزمەتگۆزاری ل هەیین ب تایبەتی ل ناحیە و کۆمەڵگەهێن دویری باژێڕان.
- پڕۆژەیێ مۆڵەکێ بناڤێ (مۆڵا دیلۆک)ێ ب سەرمایێ (٢.٢٥٠.٠٠٠) دۆلاران دێ وەبەرهێنەر (بەهزاد خدر خسرۆ) ڤە ل کۆمەڵگەها شاریا هێتە دانان، و ئەڤ مۆڵە ژ ئاڤاهییەکێ (B+3) پێک دهێت و بڤی رەنگی: – قاتێ بن ئەرد دێ بۆ پارکا راوەستاندنا ترومبێلان و خزمەتگوزاریێن وەک ئاڤ و کارەبێ هێتە بکارئینان، قاتێ سەرئەرد ژی دێ بۆ هەشت جهێن بازڕگانی و خوارنگەهـ و کافتریا و جهێن خزمەتگۆزاری هێتە بکارئینان.
دیسان قاتێ ئێکێ ژی دێ ١٠ جهێن بازڕگانی و ئۆفیسا کارگێڕیا پڕۆژەی تێدا بن و قاتێ دوویێ ژی دێ شەش جهێن بازڕگانی و خوارنگەهـ و کافتریا و هۆڵا یاریێن زارۆکان تێدا بیت. هەروەسا دێ پارکا راوەستاندنا تروبێلان یا سەر ئەرد و باخچە و کەسکاتی و دەڤەرێن ڤەکری ژی تێدا هەبن.
- پڕۆژەیێ وەبەرهێنانێ یێ دیتر ژی هەر دێ ل (کۆمەڵگەها شاریا) هێتە دانان ئەو ژی پڕۆژەیێ (SHARYA MODREN SHOPPING CENTER) و دێ ب سەرمایێ (١.٢٠٠،٠٠٠) دۆلاران ژلایێ وەبەرهێنەر (زێرەڤان مەجید خەلەف) ڤە هێتە ئاڤاکرن کو پێکهاتییە ژ ئاڤاهییەکێ سێ قاتی کو دێ قاتێ سەرئەرد بۆ کافتریا و شەش جهێن بازڕگانی بیت و قاتێ ئێکێ ژی دێ بۆ خوارنگەهـ و شەش جهێن بازڕگانی بیت،
دسیان قاتێ دوویێ ژی دێ شەش جهێن بازڕگانی و هۆڵەکا یاریا تێدا بن، د پڕۆژەیدا جهێن تایبەت بۆ خزمەتگوزاریێن گرێدای پڕۆژەی و سەخبێرکنێ و هەروەسا پارکێن راوەستاندنا ترومبێلان و باخچە و کەسکاتی و دەڤەرێن ڤەکری ژی هەنە.
- پڕۆژەیێ وەبەرهێنانێ یێ سیێ ژی ل (قەزایا شیخانە) و پڕۆژەیەکێ بازڕگانییە بناڤێ (نیو شێخان مۆڵNEW SHEXAN MALL ) کو پێکهاتییە ژ ئاڤاهییەکێ ئێک قاتی بۆ سۆپەرمارکێتێ و پارکێن راوەستاندنا ترومبێلان و باخچە وکەسکاتی و دەڤەرێن ڤەکری دناڤ پڕۆژەیدا هەنە و دێ ب سەرمایێ (٨٣١.٠٨١) دۆلاران ژلایێ وەبەرهێنەر بێکەس سەعید محەمەد ڤە هێتە دانان.
هەر بۆ زانینا خواندەڤانێن هێژا کو دساڵا ٢٠٢٢یێ دا مۆلەت بۆ (١٤) پڕؤژەیان هاتییە دان و سەرمایێ هەر هەموویان ژی دبیتە (96.972.629) دۆلارێن ئەمریکی.
ل سنورێ باژێرڤانیا (فەیدیێ) مولەت ب پرۆژەکێ وەبەرهێنانێ هاتەدان
پڕۆژەیەکی مۆلەتا وەبەرهێنانێ وەرگرت کو پێنج مەلەڤانگەهـ تێدانە کەرتێ گەشتوگۆزارێ کو ئێک ژ …