سەرەدانەك بۆ نەخۆشخانا (شریان) كو ئێكە ژ پڕۆژەیێن مەزن یێن وەبەرهێنانێ دوارێ ساخلەمیێ دا

ئەڤرۆ رێکەفتی ١٥/١١/٢٠٢٣ێ رێڤەبەرێ گشتی یێ وەبەرهێنانێ بەڕێز دکتۆر هەڤال صدیق اسماعیل و لژنەیەک ژ ئەندازیاریێن رێڤەبەریا مە یا گشتی و ستافێ راگەهاندنی سەرەدانا نەخوەشخانەیا شریان یا تایبەت کر، کو پڕۆژەیەکێ وەبەرهێنانێ یە و دڤان رۆژێن بۆریدا دەست بکاربوویە و ١٠٠٪ بدوماهی هاتییە و نۆکە ٣٣٨ هاوڵاتی ب تایبەتمەندی و کارێن جودا د وێ نەخوەشخانەیێ دا کار دکەن. ئەڤ پڕۆژەیە پێکهاتییە ژ (٣)ێ ئاڤاهیان کو پێک دهێن ژە ئاڤاهیێ نەخۆشخانەیێ و ئاڤاهیێ تاقیگەهـ و کۆگەها دەرمانان و چەند بەشێن دیتر کو بەشێن تیشک و تەنگاڤیان و راوێژکاریا پزیشکی و کلینیکێن نۆشداران و هۆڵێن چاڤدێریا چڕ و هۆڵێن نشتەرگەریان و دەرمانخانە و هۆڵێن پێشوازیێ و خزمەتگوزاریێن تەکنیکی و کارەب و ئەندازیاری و و و وهتد تێدا هەنە. دیسان ئاڤاهییەکێ دیتر ژی دناڤ وێ نەخۆشخانەیێ دا هاتییە تەرخانکرن بۆ سەنتەرێن نەخۆشیێن چاڤان و هەروەسا سەنتەرێ جوانکاریێن پزیشکی. سەرمایێ پڕۆژەی (١٣،٠٠٠،٠٠٠$) سێزدە ملیۆن دۆلارن و ژلایێ کۆمپانیا دەرهاتڤە هاتییە دروستکرن کو ل ساڵا ٢٠١٦ێ مۆلەتا وەبەرهێنانێ وەرگرتییە.