كێشه‌يێن پڕۆژەیێ (ئاریا ستی) یێ كۆمپانیا MB هاتنه چارەسەركرن
ئەڤرۆ دكۆنفڕانسەكێ رۆژنامەڤانی دا ل رێڤەبەریا گشتی یا وەبەرهێنانێ ل دهۆكێ سەرۆكێ دەستەیا وەبەرهێنانێ بەڕێز دكتور محەمەد شوكری رێڤەبەرێ رێپێدایی یێ كۆمپانیا MB بەڕێز نور شێخ محمد راگەهاند كو كێشەیێن پڕۆژەیێ ناڤبری پشتی پێكئینانا لژنەیەكا تایبەت هاتینە چارەسەركرن و دوماهیك بڤێ كێشەیێ هات.
پڕۆژەیێ ئاریاستی یێ ئاكنجیبوونێ د هاته ئاڤاكرن و جێبه‌جێكرن ژلايێ كومپانيا (MB)ڤه و رێژا جێبه‌جێكرنا پروژه‌ى گه‌هشتيه پتر ژ (85)% و ب كوالێتيه‌كا باش هاتيه ئه‌نجام دان وقوناغا ئێكێ هاتيه راده‌ست كرن بو هاولاتيێن خوشتڤى به‌لێ پشتى سه‌رهلدانا هنده‌ك ئاريشه‌يان د ناڤبه‌را خوداني پروژه‌ى و كومپانيا جێبه‌جێكرنا كارى جێبه‌جێكرنا پروژه‌ى بو ماوه‌كێ كورت هاته راوه‌ستاندن به‌لێ لديڤ توجيهاتێت سه‌روكێ حكومه‌تێ به‌رێز مه‌سرور بارزانى بو چاره‌سه‌ركرنا هه‌مى ئاريشان ئه‌ڤرو خوش به‌ختانه ئاريشه هاتيه چاره‌سه‌ركرن و ل دەمەكێ نێزیك دێ كێشەیێن دیتر ژی یێن كۆمپانیا ناڤبری ژلایێ لژنەیا ل سەری ئاماژە پێدایی ڤە هێنە چارەسەركرن.
پروژێ ئاكنجيبونێ ئاريا ستى خودانا موله‌تا وه‌به‌رهێنانێ ژماره 967 ل 13/5/2020 كو موله‌ت هاتيه دان بو كومپانيا (ني به‌ر ) و ئه‌ڤ پروژه پێك دهێت ژ (25) ئاڤاهيێن 12 قاتى و سه‌رجه‌مێ گشتى دبنه 1200 شقه.