مۆتێلەک دێ ل گەلیێ سیلاڤێ هێتەدانان

ژبەر وێ گرنگیا حکومەتا هەرێما کوردستانێ ب کەرتێ گەشتیاریێ ل هەموو کوردستانێ ب تایبەت ل جهێن گونجایی بۆ ڤێ مەرەمێ کو ل پارێزگەها دهۆکێ قەزا ئامێدیێ جوگرافی و سروشتێ وێ بوویە ئەگەرێ کو باڵا گەشتیاران ل هەرێم، عێراق هەموو جیهانێ بۆ خۆ راکێشیت ب تایبەتی کو ئەڤ ساڵە ل سەر ئاستێ جیهانێ رووگەهەکا سەرەکی یا گەشتیاری بوو، لەوما حکومەت پشتەڤانیا هەموو وان پڕؤژەیان دکەت کو دێ بنە هۆکارێ زێدەتر راکێشانا گەشتیاران ل وێ دەڤەرێ، لەوما رێڤەبەریا گشتی یا وەبەرهێنانێ ل پارێزگەها دهۆکێ مۆلەتا ئاڤاکرنا مۆتێلەکا گەشتیاری یا چار قاتی دایە وەبەرهێنەر (ئیبراهیم تاهر عەبدلڕەحمان) کو سەرمایێ پڕۆژەی (١،٠٥٢٠٠٠$) ملیونەک و پینجی و دوو هزار دۆلارن.

مۆتێل ژ چار قاتان پێک دهێت کو سێ قات تەرخانکرینە بۆ ٢٠ یەکەیێن مۆتێلێ و قاتێ چارێ ژی ژ کافیتریایەکا ڤەکری، دناڤا پڕۆژەیدا پارک، برکا ئاڤێ، کارگێڕی و جهێن خزمەتگوزاریان باخچە و دەڤەرێن ڤەکری ژی هەنە.

بۆ زانین مۆتێلا ناڤبری دکەڤیتە تاخێ رووباری ل سیلاڤێ ل قەزا ئامێدیێ.