مۆله‌تا وه‌به‌رهێنانێ بۆ نه‌مامگه‌هه‌كا مه‌زن ل پارێزگه‌ها دهوكێ هاته‌دان

نەمامگەها دهۆك یا مەزن مۆلەتا وەبەرهێنانێ وەرگرت ‎دچارچووڤێ گرنگیپێدانا كابینریا نەهێ یا حكومەتا هەرێما كوردستانێ دا بۆ كەرتێ چاندن و جۆتیاریێ ل هەرێما كوردستانێ بگشتی و ل پارێزگەها دهۆكێ بتایبەتی مۆلەتا وەبەرهێنانێ یا ژمارە (1236/ب) ل رێكه‌فتى15/8/2023 پڕۆژەیێ نەمامگەها دهۆك یا مەزن دا و دماوێ سێ ساڵان دا دێ هێتە بجهئینان. ‎نەمامگەها ناڤبری دێ گرنگیێ ب وان شتلان دەت كو دگەل سەقا و ئاخا دەڤەرێ دگونجاینە و دێ گرنگیێ ب تاقیكرنا شتلێن نوی ژی دەت كا دێ چەوا دگەل سەقا و ئاخا دەڤەرێ گونجن. ‎ئەڤ پڕۆژەیە ب سەرمایەیێ (1.100.000)ملیونەك و سەد هزار دۆلاران دێ ژلایێ وەبەرهێنەر سلێمان محمد كەكۆ ڤە ل دەڤەرا كێڤڵا هێتە بجهئینان.لسه‌ر روبه‌رێ(55000م2) ‎ئەڤ پڕۆژەیە پێك دهێت ژ نەمامگەها دارێن بچیك، خانیێن پلاستیكی، نەمامگەها دارێن فێقی، نەمامگەها دارێن جوانكاریێ، خانیێن شویشەی و چار ئاڤاهی بۆ كارگێڕیا پڕۆژەی و جهێن بهێنڤەدانا كرێكاران و خوارنگەهـــ و كافتریایێ دناڤ پڕۆژەیدا دیسان پاركێن پەیادە و پاركینگا ترەومبێلان و كەسكاتی دناڤدا هەنە.