هەڤاهەنگیا دەستەیا وەبەرهێنانێ دگەل سازیێن بانکی ل عێراقێ و کوردستانێ
سەرۆکێ دەستەیا وەبەرهێنانێ رێزدار د. محەمەد شوکری بەشداری دسمینارەکێ دا کر کو جێگرێ پارێزگارێ بانکا ناڤەندی یا عێراقێ ئحسان شەمەری و رێڤەبەرێ گشتی یێ بانکا ناڤبری ل هەڤلێرێ کازم نامق و سەرۆکێ رابیتەیا بانکێن عێراقێ وەدیع حەنزەل و هژمارەکا رێڤەبەرێن بانکێن کوردستانێ تێدا ئامادەببوون.
سەرۆکێ دەستەیا وەبەرهێنانێ رۆلێ بانکان ل هەمبەر پشتەڤانی و پارەدارکرنا پڕۆژەییێن وەبەرهێنانێ ب گرنگ و ب پێتڤی بناڤکر و داخاز کر کو پشتەڤانیا پڕۆژەیێن وەبەرهێنانێ بکەن.
ناڤبری ئاماژە داوێ چەندێ ژی کو ژبۆ جێبەجێکرنا پڕۆژەیێ ٢٠ هزار شقەیێن کرێنشینا پێتڤی ب پشتەبڤانیا بانکان هەیە و دهەمان دەمدا پێتڤییە بۆ پڕۆژەیین وزەیا نوی و سامانێن ئاڤێ و پڕۆژەیێن ستراتیژی بانک پشتەڤانیا وەبەرهێنەران بکەن.
دبەرامبەر دا جێگرێ پارێزگارێ بانکا ناڤەندی یا عیراقێ دەستپێشخەریا سەرۆکێ دەستەیا وەبەرهێنانێ ب پێنگاڤەکا گرنگ ل قەلەم دا و راگەهاند ئەو دشێن دگەلەک سێکتەران دا هەڤاهەنگیێ دگەل دەستەیا وەبەرهێنانێ و سازیێن دیترێن حکومەتا هەرێما کوردستانێ دا بکەن.