سەرەکی غير مصنف پارێزگارێ دهۆكێ و ڕێڤەبەرێ گشتی یێ وەبەرهێنانێ سه‌را چه‌ند پڕۆژەیێن وەبەرهێنانێ ل ده‌ڤه‌ردارییا به‌ردەڕه‌ش دا
پارێزگارێ دهۆكێ و ڕێڤەبەرێ گشتی یێ وەبەرهێنانێ سه‌را چه‌ند پڕۆژەیێن وەبەرهێنانێ ل ده‌ڤه‌ردارییا به‌ردەڕه‌ش دا
ئه‌ڤرۆ به‌رێز “د.عه‌لى ته‌ته‌ر” پارێزگارێ دهۆكێ و ”مه‌ردان خدر” به‌رپرسێ لقێ ٩ یێ پارتى و بەڕێز “دكتۆر هەڤال صديق اسماعيل”رێڤەبەرێ گشتی یێ وەبەرهێنانێ ل پارێزگەها دهۆكێ و “ئیسماعیل مسته‌فا” ده‌ڤه‌ردارێ به‌رده‌ره‌ش و چه‌ند به‌رپرسێن حزبى وئیدارى جودا جودا سه‌را كارگه‌هێن (پترو ویلد روڤیا دوو وپترو ویلد روڤیا ئێك) ل سنورێ ده‌ڤه‌رداریا به‌رده‌ره‌ش دا و ژنێزیك سه‌حكره به‌رهه‌مێ هه‌ردوو كارگه‌هان. پاشی، سه‌را كارگه‌ها به‌رهه‌مئینانا پتاتێن (فینگه‌ر) و سارگه‌ر یێن پاراستنا به‌رهه‌مێن چاندنێ دا و ژنێزیك سه‌حكره قوناغێن بجهئینانێ.
هه‌ژى گوتنێ یه، هه‌ر سێ پرۆژه ب رازەمەندییا حکومەتا هەرێما کوردستانێ مۆلەتپێ هاتییە دان و كارگه‌هێن (پترو ویلد روڤیا دوو) و (پترو ویلد روڤیا ئێك) تانكێن ئاسنى و بوڕیێن ئاسنى یێن تایبەت ب پرۆژێن ئاڤێ بۆیاغ دكه‌ن كو ژه‌نگى نه‌بن زێده‌بارى به‌رهه‌مئینانا چه‌ند ئامیره‌ت و پێدڤیێن دى بۆ پرۆژێن پیشه‌سازى و كشتوكالى. هه‌روه‌سا كارگه‌ها به‌رهه‌مئینانا فینگه‌را هه‌تا نوكه ٦٠٪ژى هاتیه بجهئینان كو شیان هه‌نه سالانه (١٠٠) هزار تونێن پتاتا بكه‌نه فینگه‌ر و پشتى ساله‌كێ ژ كاركرنێ دێ شێت (٢٥٠) هزار تەنێن پتاتێن ده‌ڤه‌رێ بکەتە فینگه‌ر و ب هه‌ڤكاریا حكومه‌تێن هوله‌ندا و هه‌رێما كوردستانێ دهێته ئه‌نجامدان و سه‌روكێ حكومه‌تا هه‌رێما كوردستانێ گرنگییه‌كا تایبه‌تدایه ڤى پڕۆژه‌ى و به‌رده‌وام دویڤ چوونا بجهئینانا وى دكه‌ت. ئه‌ڤان پڕۆژا ده‌لیڤێن كارى بۆ پتر ژ ٨٠٠ كه‌سا په‌یداكرینه.