پڕۆفایلێ وەبەرھێنانێ یێ دیاركرنا دەرفەتێن وەبەرھێنانێ ل قەزا ئامێدیێ كەتە بەر دەستێ وەبەرھێنەران
دچارچووڤێ ھەوڵێن حكومەتا ھەرێما كوردستانێ بۆ گەشەپێدانا كەرتێ وەبەرھێنانێ ل ھەموو كوردستانێ تایبەتی ل پارێزگەھا دھۆك، لەوما پشتی ماندیبوونەكا درێژ یا ستافەكی ژ فەرمانبەرێن رێڤەبەریا گشتی یا وەبەرھێنانێ ل پارێزگەھا دھۆك و ب سەرپەرشتیا جەنابێ رێڤەبەرێ گشتی بەڕێز كوردۆ ئحسان و بھەڤكاری دگەل (سەنتەرێ پۆڵەندی بۆ ھاریكاریێن نێڤدەولەتی PCPM) و ب پشتەڤانیا دارایی یا (سندۆقا باوەرپێكری یا ئێكەتیا ئەورۆپا)
پڕۆفایلێ وەبەرھێنانێ یێ قەزا ئامێدیێ ھاتە چاپكرن و نۆكە ل بەر دەستە بۆ ھەموو وەبەرھێنەر و سەرمایەدارێن كو حەز بكەن وەبەرھێنانێ ل قەزایا ئامێدیێ بكەن، دشێن ب رێكا ڤی پڕۆفایلی بزانن كا وێ دەڤەرێ پێتڤی ب چ پڕۆژەیان ھەیە و ھەر وەسا تێدا ھەموو ئەو ئیمتیاز و ئاسانكاریێن كو یاسایا ژمارە (٤) یا ساڵا ٢٠٠٦ێ و حكومەتا ھەرێما كوردستانێ بۆ وەبەرھێنانێ كرین ھاتینە زەڵالكرن دا كو وەبەرھێنەر ب پڕۆژەیان راببن و ل دویڤ وان زانیاریێت د پڕۆفایلی دا بشێن پڕۆژەیێ خۆ ب سەركەفتیانە ئەنجام بدەن.
ئەڤ گاڤا ل سەر ھاتییە بەحسكرن بەشەك ژ پڕۆژەیێ ئامادەكرنا پڕۆفایلێ ھەموو قەزایێن پارێزگەھا دھۆك كو تێدا بەرچاڤڕوونییەكێ ددەتە وەبەرھێنەران و ھەر كەسێ بخوازیت بزانیت كا كیژ دەڤەرێ پێتڤی ب چ جۆرە پڕۆژەیەكی یە، دا كو خودان سەرمایە پارێ خۆ بێخیتە كار و خزمەتا نیشتمانێ خۆ بكەن، و بشێن باشتر پێتڤیێن وەڵاتییان بەردەست بكەن یان ژی مفا ژ كەرەستەیێن خاڤ یێن ھەر دەڤەرەكێ بھێتە وەرگرتن.