پڕۆژەیەکێ بخودانکرنا چێلان و کارگەها سپیاتیان دێ ببهایێ (٤٠) ملیۆن دۆلاران دێ ل قەزا سێمێلێ هێتە دانان

دچارچۆڤێ سیاسەتا حكومەتا ھەرێما كوردستانێ دا تایبەت كابینا نەھێ بۆ گرنگیدان ب سێكتەرێ وەبەرھێنانێ و شیان و بەرھەمێ ناڤخۆ، دەستەیا وەبەرهینانێ ل هەرێما کوردستانێ ل دویڤ یاسایا وەبەرهێنانێ یا ژمارە (٤) یا ساڵا ٢٠٠٦ێ مۆلەتا (١٠٢٧) مۆلەتا دا پڕۆژەیێ کاڤین یێ خودانکرنا چێلان و دابینکرنا ئالفی و کارگەها سپیاتیان کو ژ چەند بەشێن جودا پێک دهێت وەک جهێ راگرتنا چێلان، جهێ چاڤدێریا کۆلکان. جهێ چاڤدێریا چێلێن ئاڤز، جهێ ڤەحەواندنا گایا، جهێ دۆتنا میکانیکی، سەربڕخانە و گەلەک بەشێن دیتر و هەروەسا کارگەهـ و عەمبارێن ئالفی، جهێ تایبەت بۆ کرێکارا و پارک و باخچەیێن چەروانی پێک دهێت.

پڕۆژە دێ ژلایێ کۆمپانیا کاڤین گرۆپ ڤە ب بهایێ (٤٠) ملیۆن دۆلاران ل قەزا سێمێلێ هێتە بجهئینان.

ئەڤ پڕۆژە دێ گەشەیەكا زێدەتر ئێخیتە وارێ چاندنیێ و بكارئێخستنا سەرمایێ سەرمایەدارێن ناڤخۆ، كو دێ ل پاشەڕۆژێ ژێرخانا ئابووری یا پارێزگەھا دھۆك ب تایبەتی و ھەرێما كوردستانێ ب گشتی بھێز ئێخیت.

ھەژی گۆتنێ یە كو دڤێ ھەیڤێ دا سێ سێ پڕۆژان ل پارێزگەھا دھۆكێ مۆلەتێن وەبەرھێنانێ وەرگرتینە كو ئەڤێن ل خارێنە:

١-پڕۆژێ كاڤین یێ خودانكرنا چێلان و كارگەھا سپیاتیان ل سێمێلێ.

٢-پڕۆژێ نەورۆز بازار یێ بازڕگانی ل ئاكرێ.

٣-پڕۆژێ چارستینیێ رەوشەنبیری ل دھۆكێ.