کار بۆ دروستکرنا نەخشەیێ وەبەرهێنانێ ل هەرێمێ دهێتەکرن
ئەڤرۆ رێکەفتی ٦ێ ئۆکتۆبەرێ ٢٠١٩ جەنابێ سەرۆکێ دەستەیا وەبەرهێنانێ ل هەرێما کوردستانێ، رێزدار محەمەد شوکری سەرەدانا رێڤەبەریا گشتی یا وەبەرهێنانێ ل دهۆک کر و دکۆمبوونەکێ دا لگەل هژمارەکا فەرمانبەرێن رێڤەبەریا ناڤبری تەکەزی ل پێشئێخستنا کەرتێ وەبەرهێنانێ ل پارێزگەها دهۆک کر.
رێزدار سەرۆکێ دەسەتای وەبەرهێنانێ دکۆمبوونێ دا دیارکرن کو دێ کار بۆ دانان نەخشەیێ وەبەرهێنانێ (خریطة الاستثماریة) بۆ ١٠ ساڵێن بهێن هێتەکرن و هەروها پڕۆژەیێن وەبەرهێنانێ ل دویڤ نەخشەیەکێ رێکخستی ل سەر دەڤەر و ناوچەیێن جودا جودا هێنە دابەشکرن ب رادەیەکی کو هەموو قەزا و ناحیەیێن پارێزگەها دهۆک ژ پڕۆژەیێن وەبەرهێنانێ مفادار بن.
هەروها سەرۆکێ دەستەیا وەبەرهێنانێ دوپاتی ل هندێ کر کو دڤێت کاروبارێن وەبەرهێنەران و خەلکێ پەیوەندیدار ل دویڤ یاسایێ و رێنمایان و ب ڕێکوپێکی بهێنە بڕێڤەبرن و گۆت ژی قوناغا دەربازبووی گەلەکا باشبوو و کارێن باش هاتینە کرن و پشتڕاست ژی کر کو دێ قوناغا بهێت هێش باشتر بیت.
دیسان ژی بەحس ل هندێ ژی کر کو دڤێت وەبەرهێنەرێ راستەقینە و خودان شیان رۆلێ خۆ ببینیت و ژلایێ حکومەتێ ڤە ژی ئاسانکاری دێ بۆ هێنەکرن ل ژێر سیبەرا یاسا و رێنمایێن دەستەیێ.
لدوماهیێ ژی سەرۆکێ دەستەیا وەبەرهێنانێ دەستخۆشی و سپاسیا هەموو فەرمانبەرێن رێڤەبەریا گشتی یا وەبەرهێنانێ ل دهۆک کر ل سەر کار و چاڵاکیا وان د وارێ وەبەرهێنانێ دا.
پشتی کۆمبوونا ل رێڤەبەریا گشتی ، جەنابێ سەرۆکێ دەستەیا وەبەرهێنانێ سەرەدانا پاریزگەها دهۆک کر وب ئامادەبوونا پارێزگارێ دهۆکێ، بەرێز فەرهاد ئەترووشی، لگەل قایمقامێن قه‌زایێن پارێزگه‌هێ و رێڤه‌به‌رێن فه‌رمانگه‌هێن په‌یوه‌ندیدار و سه‌رمایه‌دار و بزنسمانێن پارێزگه‌ها دهوكێ كومبوو وب تێر وته‌سه‌لی به‌حسێ پێدڤیێن ده‌ڤه‌رێ ژ پروژێن وەبەرهێنانێ هاته كرن.
ل دوماهیێ سەرۆکێ دەستەیا وەبەرهێنانێ و پارێزگارێ دهۆک پێکڤە كونگره‌كێ روژنامه‌ڤانی کر، ل دەستپێکێ پارێزگارێ دهۆکێ بخێرهاتنا شاندێ کر و راگەهاند: “ئەڤە سەرەدانە بۆ دهۆکێ گەلەک یا گرنگبوو” و گۆت: “رێژا پڕۆژەیێن وەبەرهێنانێ ل دهۆک ب بەرهەڤدان لگەل پارێزگەهێن دیتر گەلەکا کێمە و داخاز کر كو حكومه‌تا نوو یا كوردستانێ و ده‌سته‌یا وه‌به‌رهێنانێ پتر گرنگیێ ب پارێزگه‌ها دهۆک بده‌ت و رێژا پروژان زێده‌كه‌ن” .
پاشی سه‌روكێ ده‌سته‌یا وه‌به‌رهێنانێ ل دور ئاڤاكرنا كارگه‌هان دچارچووڤێ کەرتێ وەبەرهێنانێ دا گوت: “ئه‌م دێ سەرمایەداران هان دەین و دێ هاریکاریا وان ژی کەین کو دوو كارگه‌هێن مه‌زن یێن دقۆتیکرنێ (تعلیب) ل قه‌زایێن ئاكرێ و ئامێدیێ بهێنه دانان ژ بو خزمه‌تكرنا جوتیارا و خه‌لكێ ده‌ڤه‌رێ و په‌یداكرنا ده‌لیڤێن كاری”.
ل دور پروژێن شوقێن ئاكنجیكرنێ ژی بەڕێز محەمەد شوکری گوت: “ئاریشێن خودانێن شوقا هه‌موو ب رێكێن یاسایی دێ هێنه چاره‌سه‌ركرن و خه‌لك گه‌هنه مافێن خوه و ئێدی خەمساری نامینیت وهه‌موو ئاریشه دێ هێنه چاره‌سه‌ركرن”.