ئه‌ڤروو ل رێكه‌فتى 22/7/2019 به‌رێز (كوردۆ ئحسان عەبدولصەمەد) رێڤه‌به‌رێ گشتى يێ وه‌به‌رهێنانا پارێزگەها دهوكێ ل گه‌ل وەلاتيێن بكڕێن يه‌كێن ئاكنجيبوونێ يێن پرۆژێ وه‌به‌رهينانێ یێ بناڤێ (ده‌لال ستى) يێ ئاكنجيبوونێ ئه‌وێ ل قه‌زا زاخو کۆمبوو و گوهداریا گلە و گازندێن وان کر.
ژبو چاره‌سه‌ركرنا ئاريشێن دكه‌ڤنه د ريكا ئاڤاكرنا پروژه‌ى دا پشتى پروژێ ئاكنجيبوونێ هاتيه راسپاردن بو كومپانيا (ئالان) بو بدوماهيك ئينانا پروژه‌ى بکڕان و رێڤەبەریێ گەنگەشەکا دوور و درێژ کر.
هه‌روه‌سا رێڤه‌به‌رێ گشتى گوهداریا گازندێن بكڕێن خانيێن پرۆژێ (ده‌لال ستى)كر تایبەت دەربارێ بابه‌تێ گيروبوونا پرۆژه‌ى و چێكرنا گرێبه‌ستا نوى د هژمارتنا (غرامات تأخيرية) دا، به‌رێز رێڤه‌به‌رێ گشتى دا دياركرن يا پێدڤى هاتيه كرن بۆ چاره‌سه‌ركرنا ئه‌و گرفتێن دكه‌ڤنه د رێكا ئاڤاكرنا وه‌به‌رهێنه‌رى دا و دێ هه‌موو هه‌وڵ هێنه‌دان بۆ چه‌سپاندنا هه‌موو مافێن وەڵاتيێن بكڕێن پرۆژێ (ده‌لال ستى) د گرێبه‌ستا نوى دا دا كو هه‌ر بكڕه‌ك ئاشنابيت ب يه‌كا خۆ يا ئاكنجيبوونێ.
به‌رێز رێڤه‌به‌رێ گشتى دووپاتى ل وێ چه‌ندێ ژی كر كو (هژماره‌كا به‌نكى) هاتيه ڤه‌كرن پێدڤيه بكڕين يه‌كێن ئاكنجيبوونێ يێن هەموو پڕۆژێن ئاکنجیبوونێ دگەل دا ژی بکڕێن یەکێن پڕۆژێ (ده‌لال ستى) قستێن خۆ ل وێ به‌نکێ ئه‌دا بكه‌ن.
