بۆ هەموو ئه‌وان پيشه‌كارێن دوکان بۆ هاتینە دان ل پيشه‌سازيا نوى يا ئالوكا ل دهۆكێ

پشتی کۆمبوونەکا تایبەت دناڤبەرا رێڤەبەرێ گشتی یێ وەبەرهێنانێ و سه‌رۆكێن باژێڕڤانيێن رۆژهه‌لات و رۆژئاڤا و رێڤه‌به‌ريا كار و سه‌رۆكێ سه‌نديكا كرێكارێن كوردستانێ دگه‌ل وه‌به‌رهێنه‌رێ پڕۆژەیێ پیشەسازیا نوی ل ئالۆکا بۆ چارسەرکرنا کێشەیێن دوکانێن پیشەسازیا نوی( كو دكانێن وان ب دوماهيك هاتينه‌ و هاتينه‌ راده‌ستكرن بو خودان پيشه‌كاران ئه‌و دكان نه‌ هاتينه‌ بكارئينان ژلايي خودانێن وان ڤه‌ ) ژبه‌ر ڤێ چه‌ندێ لايه‌نێن په‌يوه‌ندى داركومبونه‌ك لسه‌ر ڤى بابه‌تى ئه‌نجامدا ول دويف نڤێسارا ژماره‌(950) ل 12/4/2023 ئەڤ بڕێارێن ل خوارێ هاتینە دان هاتينه‌ به‌رلافكرن لسه‌ر دام و ده‌زگه‌هێن حكومى:-

1. پێتڤییە ئەوێن دکان بۆ هاتینە دان د ماوێ (1) هه‌يڤه‌كێ دا جهێن خويێن كارى ل پيشه‌سازيا نوى ڤه‌كه‌ن، به‌روڤاژى جهێن وان دێ ژێ هێنه‌ ڤەکێشان (سحب).
2. دیڤچوون وچاڤدێر ژلايێ باژێڕڤانيا رۆژهه‌لات و رۆژئاڤا دێ هێته‌كرن و زێده‌گاڤيێن نه‌ياسايى ل نزاركێ هاتینە كرن دێ‌ هێته‌ راوه‌ستاندن و دیڤچوون بۆ ئه‌وێن هاتينە كرن ژی دێ هێتە کرن و ب رێكا ياسايێ دێ هێنه‌ راكرن. هه‌رديسان مۆلەت بۆ چ جهێن دیتر یێن كارێ پيشه‌سازيێ دكه‌ن ناهێتەدان دناڤ باژێڕى دا.
3. رێڤه‌به‌ريا كارى مۆله‌تا كاركرنێ نا ‌ده‌ته‌ چ كه‌س ژ ئەوان هاولاتيان و دیسان مۆلەتێ بۆ نوى ناكه‌ت ئه‌گه‌ر ل جهێ بۆ هاتيه‌دان ل پيشه‌سازيا ئالۆكا نه‌بيت.
4. سه‌نديكا كرێكارێن كوردستانێ و ليژنا نوینه‌راتيا خودان پيشه‌يان هاریکاربن ژ بۆ ئاگه‌هداركرنا ئەڤان پيشه‌كاران ژ بۆ ڤه‌كرنا جهێن بۆ هاتينەدان ل پيشه‌سازيا نوی يا ئالۆكا.
5. ئه‌و خودان پيشه‌يێن قستێن خو نه‌داين و جهێن خو نه‌ وه‌رگرتين بريار هاتییه‌دان كو جهێن وان بۆ بهێنه‌ دابينكرن ب هه‌مان بهايێ به‌رێ ب مه‌رجه‌كى قستێن خو هه‌ميان ل سه‌ر ئێك بده‌ن و ئاماده‌بن کو جهێن خو ڤه‌كه‌ن.