دناڤ پڕۆژەیەکێ وەبەرهێنانێ دا (٤٢٠) شوققە بۆ کەسوکارێن شەهیدان هاتنە تەرخانکرن
حکومەتا هەرێما کوردستانێ هەر دەم خۆ بسەمیان و خودانێ ئێکەمێ خێزانێن شەهیدێن کو گیانێ خۆ گۆری ڤی نیشتمانی کرین ددانیت و خزمەت و چاڤدێریا وان بئەرکێ خۆ یێ هەرە لپێش دزانیت و هەموو ئەو رێکخستن و دەزگەهێن دچارچووڤەیێ حکومەتا هەرێما کوردستانێ دا کار دکەن ژی بهەمان شێوە ڤێ چەندێ بئەرکێ خۆ دزانن.
هەر دچارچووڤەیێ ڤێ بەرپرسیارەتیێ دا ئەڤرۆ ب ئامادەبوونە سەرۆکێ حکومەتا هەرێما کوردستانێ رێزدار مەسروور بارزانی درێورەسمەکیدا کو دەزگەها خێرخوازیا بارزانی رێکخستبوو ٤٢٠ شوققە دناڤ پڕۆژەیێ رۆژ ستی دا ل سەر کەسوکارێن شەهیدان هاتنە بەڵاڤکرن، پڕؤژەیێ رۆژستی ئێک ژ پڕؤژەیێن وەبەرهێنانێ یێن ئاکنجیبوونێ یە و مۆلەتا ژمارە (٩٦٨) ل ساڵا ٢٠٢٠ ل سەر ناڤێ کۆمەڵا ئاکنجیکرنا خێزانێن شەهیدان وەرگرتییە.
دگۆتارەکێ دا جەنابێ سەرۆکوەزیرێن هەرێما کوردستانێ رێزدار مەسروور بارزانی راگەهاند کو چ ژ حکومەتا هەرێما کوردستانێ بهێت دێ بۆ خزمەتا مالباتێن شەهیدان کەن و ئەو بهیڤینە دقوناغێن بهێن دا هەموو مالباتێن شەهیدێن سەربلند ژ یەیەکێێن ئاکنجیبوونێ سوودمەند بن و ئەو دێ بجدی بۆ ڤێ چەندێ کار کەن.
تێچوویێ ڤان شوققەیان ٢٩ ملیۆن و ٤٠٠هزار دۆلارن و دێ ١٧٥٨ کەس دچارچووڤێ ٤٢٠مالباتێن شەهیدان ژ ڤان شوققەیان سوودمەند بن.
دابەشکرن دێ بڤی رەنگی بیت:-
– دهۆک و سێمێل = ٨٠
– زاخۆ = ٧٥
– ئامێدی = ٦١
– بەردەڕەش و ئاکرێ = ٩٢
– شێخان = ٤٤
– شنگال = ١٦
هەژی گۆتنێ تە دقۆناغا ئێکێ دا ٣٦٧ شوققە هاتنە رادەستکرن و دێ دقوناغا دوویێ ژی دا ٥٢ شوققەیێن دیتر هێنە رادەستکرن.
بۆ زانین پڕۆژەیێ رۆژستی یێ ئاکنجیبوونێ لسەر (٢٥دۆنەمێن ئەردی) ل دویڤ یاسایا ژمارەە(٤) یا ساڵا ٢٠٠٧ێ دەرکەتی وەرگرتییە کو ژ ١٨٨٠ شوقەیان پێک دهێت، وەک مە لسەری دایە دیارکرن ٤٢٠ شوققە بۆ مالباتێن شەهیدان هاتینە تەرخانکرن.