دوو پروژان موله‌تا وه‌به‌رهێنانێ وه‌رگرت

دچارچووڤەیێ پتر گرنگیدانا حکومەتا هەرێماکوردستانێ ب کەرتێن وەبەرهێنانا بازڕگانی و گەشتیاری دا (2) پڕۆژەیان مۆلەتا وەبەرهێنانێ ل دویڤ یاسایا ژمارە (٤) یا ٢٠٠٦ێ وەرگرت. پڕۆژەیێ عمبارا تویوتا ل عێراقێ کو یێ وەبەرهێنەر سەردار گرۆپە و  سەرمایێ پڕؤژەی ٢.٨٥٠.٠٠٠ دوو ملیون و هەشت سەد و پێنجی هزار دۆلارە دێ دماوی دوو ساڵان دا هێتە بجهئینان. پرۆژە پێک دهێت ژ PDL WORKSHOP ، جهێ تابلویێن ترومبێلان، EMPLPYEE PARKING &  DLR LOGISTIC ، کارگێڕیا پرۆژەی، PDL LOGISTIC  و  پارکێن ترومبێلان، دەڤەرا بارکرنێ و دەڤەرا دانانا باری، دەڤەرا پشکنینێ، و هندەک بەشێن دیتر یێن پێتڤی بۆ پڕۆژەی. پڕؤژەیێ دیتر پرۆژەیەکێ گەشتیارییە و حکومەتا هەرێما کوردستانێ فۆکسەکا تایبەت ل سەر پێشئێخستنا ڤی کەرتی هەیە، لەوما مۆلەتا وەبەرهێنانێ دایە پرۆژەیێ ماڵدیڤ یا گەشتیاری کو یێ وەبەرهێنانەر عومەر غازی پسۆ یە و سەرمایێ پرۆژەی ژی ١.٠٨٢.٥٠٠ ملیونەک و هەشتێ و دوو هزار و پێنجسەد دۆلارە و دێ دماوێ دوو ساڵان دا هێتە بجهئینان. پرۆژە پێک دهێت ژ خارنگەهـ، گازینوو، کافتریا، مارکێت، جهێن تایبەت بۆ یاریێن زارۆکان یێن ڤەکری، باخچە و کەسکاتی و پارکێن راوەستاندنا ترومبێلان.