سێ پڕۆژەیێن گرێدای چاندن و خوارنێ مۆلەتا وەبەرهێنانێ وەرگرت

حکومەتا هەرێما کوردستانێ هەردوو سەکتەرێن چاندن و پیشەسازیا خوارنێ گرنگییەکا تایبەت پێ ددەت ژبەر کو ژیار و سروشتێ دەڤەرێ پتر یێ گونجایە کو وەبەرهێنانێ دڤان سەکتەران دا بهێتەکرن، لەوما رێڤەبەریا گشتی یا وەبەرهێنانێ مۆلەت دایە سێ پڕۆژەیێن گرێدای چاندن و خوارنێ.
１- پڕۆژێ هەرە مەزن ژی کو مۆلەتا ژمارە (١٢٠١/د) پێ هاتییە دان پڕۆژەیێ کارگەها بستان یا بەرهەمئینانا گۆشتێ بەستی و مقرمشاتایە کو سەرمایێ وی پڕۆژەی نێزیکی (٩ملیون 5سەد هزار دۆلارانە) وژلایێ وەبەرهێنەر (کۆمپانیا GRAND WAVE) ڤە هێتە و ل سەر رووبەرێ (٣٧٩٩٠م٢) هێتە ئاڤاکرن و پێک دهێت ژ (ژۆرا کۆنترۆلی، دوو ژۆرێن بەرهەمئینانێ، کارگێڕیا پڕۆژەی، تەکەیا چارسەریا ئاڤا گران، پارک و جهێن ڤەکری) و دێ دماوێ دوساڵان دا هێتە بجهئینان.

２- پڕۆژەیێ دیتر ژی کو مۆلەتا ژمارە (١٢٠٢/د) کو کارگەها رۆڤیا یا بەرهەمئینانا جگاران و توتنێ یە و سەەرمایێ پڕۆژەی ژی پتری (٨ملیون و ٦سەد هزار دۆلارانە) و ژلایێ وەبەرهێنەر (حسێن بشار مشیر) ڤە دێ دماوێ دوساڵان دا هێتە بجهئینان، پڕۆژە ژ (هۆڵا بەرهمئینانێ، کۆگەهێن کرەسەرەیان، کارگێڕی، دوو ژۆرێن کۆنترۆلی، جهێن تایبەت بۆ کریکاران، یەکا چارەسەریا ئاڤاگران و پارک و جهێن ڤەکری) پێک دهێت.

３- پڕۆژەیەکێ دیتر ژی کۆگەهێن (حسێن) یێن سارکەر بۆ عەمبارکرنا بەرهەمێن چاندنێ یە کو ب سەرمایێ (٢ملیون و 5سەد هزار دۆلاران) ژلایێ وەبەرهێنەر (حسێن بشار مشیر) ڤە ل سەر رووبەرێ (٢٧٦٩٠م٢) هێتە بجهئینان و پڕۆژە پێک دهێت ژ دوو هۆڵێن بەفرگران، ژۆرا کۆنترۆلا، کارگێڕیا پڕۆژەی، جهێن کرێکاران، گهۆڕکێن کارەبێ، پارکێن راوەستاندنا ترومبێلان، کەسکاتی و دەڤەرێن ڤەکری.