شێخان.. کارگەهەکا بەرهەمئینانا فینگەر و کۆگەهێن سارکەر مۆلەتا وەبەرهێنانێ وەرگرت

کەرتێ جۆتیاریێ بۆ ددیرۆک و سەردەمێ نۆکە ژی دا ژێدەرێ سەرەکی یێ ژیانا خەلکێ خۆشتڤی یێ کوردستانێ یە، لەوما هەر پڕؤژەیەک بۆ پێشئێخستنا ڤی بوارێ گرنگ ب رێکێن یاسایی بهێتە پێشنیارکرن کابینەیا نەهێ یا حکومەتا هەرێما کوردستانێ بێ دوودلی پشتەڤانیێ لێ دکەت و هاریکارە بۆ بجهئینانێ. وەبەرهێنەر ئازاد محەمەد سەلیم ل قەزایا شیخان ب سەرمایێ (١،٧٤٩،٨٥٩) ملیونەک و حەفت سەد و چل و نەهـ هزار و هەشت سەد و پێنجی و نەهـ دۆلاران پڕۆژەیێ (کارگەها بەرهەمئینانا فینگەر و کۆگەهێن سارکەر ) پێشکێشی رێڤەبەریا گشتی یا وەبەرهێنانێ کر ، پشتی رێکار و مەرجێن یاسایی دەربازکرین مۆلەتا وەبەرهێنانێ وەرگرت و دێ دماوێ دوو ساڵاندا کەڤیتە کاری. پڕۆژە ژ هۆڵا کارگەهێ و ئۆفیسا کارگەهێ و جهێن خزمەتگۆزاریان و نەهـ کۆگەهێن سارکەر و جهێن تایبەت بۆ کۆنترۆلکرنا کارەبێ و بهێن ڤەدانا ترومبێلان و راوەستاندنا ترومبێلان و باخچە و دەڤەرێن ڤەکری ژی دناڤدانە.