نەخوشخانا (شیفا) ل پارێزگەها دهوکێ مولەتا وەبەرهێنانێ وەرگرت

کەرتێ ساخلەمیێ بۆ حکومەتا هەرێما کوردستانێ ژ کارێن هەرە ل پێشە ژبەر ساخلەمیا هاوڵاتیێن خۆشتڤی، لەوما بهەر شێوەیەکی حکومەت یا هاریکارە کو هەوڵ بۆ باشترکرنا ساخلەمیا هاوڵاتیان بهێنە دان، دڤی واریژیدا رێڤەبەریا گشتی یا وەبەرهێنانێ ل پارێزگەها دهۆکێ ل دویڤ یاسایا ژمارە (٤) یا ساڵا ٢٠٠٦ێ مۆلەتا وەبەرهێنانێ دایە (نەخۆشخانەیا شیفاء دهۆک) کو دێ ژ پێنج قاتان پێک هێت و دێ گەلەک خزمەتان پێشکێشی وەلاتیێن خۆشتڤی کەت. قاتێ ئێکێ دێ بۆ بشێ تەنگاڤیان و چارەسەریا سروشتی و تاقیگەهـ و دەرمانخانەیان و هندەک کلینیکێن نۆژداری کارگێڕی و کافتریایێ هێتە تەرخانکرن. قاتێن بن ئەرد دێ بۆ تیشکێ و خزمەتگۆزاریێن ئەندازیاری و ژۆرا کارەبێ و میکانیک و کۆنترۆلێ هندەک پێتڤیێن دیتر هێتە دەستنیشانکرن. قاتێ دوویێ ژی بۆ هۆڵا نشتەرگەریان و پشکا ژدایکبوونێ و کلینیکێن نۆژداران بیت. قاتێ سیێ و چارێ بۆ ژۆرێن نڤاندنا نەخۆشان و ژۆرێن نۆژدار و پەرستاران هێنە تەرخانکرن. دیسان پارکێن راوەستاندنا ترومبێلان ودەڤەرێن ڤەکری و باخچە و کەسکاتی و هتد دناڤدا هەنە. کۆژمێ سەرمایێ پڕؤژەی (٨،٠١٨،٧٠٠) هەشت ملیون و هەژدەهزار و حەفت سەد دۆلارن و ژلایێ وەبەرهێنەرا (نیهاد مەهدی محەمەد تاهر) ڤە دماوێ ٢٤ مەهان دا هێتە بجهئینان.