رێڤەبەریا گشتی یا وەبەرهێنانێ ل پارێزگەها دهۆکێ و قائیمقامیا دهۆکێ روونشتنەکا ڤەکری ل دۆر پلانا چار ساڵێن داهاتی بۆ وەبەرهێنانێ کر.
ل هۆڵا کۆمبوونان ل قائیمقامیا دهۆکێ و ب ئامادەبوونا قائیمقامێ قەزا دهۆکێ بەڕێز جەهوەر عەلی و رێڤەبەرێ گشتی یێ وەبەرهێنانێ ل پارێزگەها دهۆکێ بەڕێز کوردۆ ئحسان روونشتنەکا ڤەکری ل دۆر پلانا چار ساڵێن داهاتی بۆ وەبەرهێنانێ لگەل چەند نوونەرێن رێڤەبەریێن حکومی یێن پارێزگەها دهۆکێ هاتەکرن، د روونشتنێ دا هەردوو بەڕێزان قائیمقامێ قەزا دهۆکێ و رێڤەبەرێ گشتی یێ وەبەرهێنانێ و رێڤەبەریێن دیتر بەحسا پێتڤیا پارێزگەهێ ب وان پڕۆژەیان کر کو د هەیاما چار سالێن بهێن دا دێ یەکەیێن ئیداری یێن پارێزگەها دهۆکێ پێتڤی پێ هەبیت و هەر رێڤەبەرییەکێ ل دویڤ تایبەتمەندیا خۆ بەحسا پڕۆژەیێن خۆ و ئامادەیا خۆ بۆ ئاسانکاریان د وارێ وەبەرهێنانێ دا کر.
دروونشتنێ دا بەڕێز رێڤەبەرێ گشتی یێ وەبەرهێنانێ گوهداریا پێشنیار و دیتن و بوچوونێن ئامادەبوویان کر و ئاماژە دا کو نۆکە ئەو کار ل سەر دوو پلانا دکەن پلانەک یا کورت-دەمە کو بۆ چار ساڵانە و پلانەک ژی درێژ-دەمە بۆ ١٠ ساڵانە.
هەروەسا بەڕیز کوردۆ ئحسان هەروها د پرێسکۆنفڕانسەکی دا ئاماژە دا وێ ئێکێ کو نۆکە کارەکێ باش د وان پڕٶژەیان دا دهێتە کرن کو هاتینە راوەستاندن و بەشەک ژ وان نێزیک دێ ب دوماهی ژی هێن.
