پڕۆفایلێ وەبەرھێنانێ بۆ پارێزگەھا دھۆكێ ھاتە بەڵاڤكرن

ئەڤرۆ د مەراسیمەكێ بەرفرەھ و ب ئامادەبوونا سەرۆكێ دەستەیا وەبەرھێنانێ ل ھەرێما كوردستانێ رێزدار محمد شوكری و پارێزگارێ دھۆكێ رێزدار عەلی تەتەر و رێڤەبەرێ گشتی یێ وەبەرھێنانێ ل پارێزگەھا دھۆكێ رێزدار Kurdo Ihsan Abdullsamad و چەندین قائیمقام و رێڤەبەرێن سازیێن حكومی ل پارێزگەھا دھۆكێ پڕۆفایلێ وەبەرھێنانێ یێ قەزایێن سەر پارێزگەھا دھۆكێ ھاتە راگەھاندن و بەڵاڤكرن.

پشتی كۆمبوونێ ژی دپرێسكۆنفەڕانسەكی دا جەنابێ سەرۆكێ دەستەیا وەبەرھینانێ و پارێزگارێ دھۆك و رێڤەبەرێ گشتی یێ وەبەرھێنانێ ل پارێزگەھا دھۆك بەحسا مژار و گرنگیا ڤی پڕۆفایلێ كرن و راگەھاند كو دێ پڕۆفایل ساڵانە ل دویڤ و جھ و دەم و پێتڤیاتیێ ھێتەنویكرن.