پڕۆژەکێ گەشتیاری ل بەردەڕەشێ مۆلەتا وەبەرهێنانێ وەرگرت
بەردەڕەش ئێک ژ قەزایێن هەرە گرنگێن پارێزگەها دهۆکێ یە ب تایبەتی ژلایێ چاندنیێ ڤە، لێ دلایێ گەشتیاری ژی دا دشیاندایە مفا ژ هندەک دەڤەرێن وێ بهێتە وەرگرتن و سیاسەتا حکومەتا هەرێما کوردستانێ ژی دکابینەیا نەهێ دا هەر ئەوە کو ژێدەرێن داهاتی جۆر بجۆر ببن، لەوما ژی پشتی کو هەلسەنگاندن بۆ پڕۆژەیێ (پارکا ئازادی یا هەڤچەرخ) کو پڕۆژەیەکێ گەشتیارییە هاتییە کرن مۆلەتا وەبەرهێنانێ پێ هاتە دان.
پڕؤژە ژ ئاڤاهییەکێ دوو قاتی پێک دهێت و بڤی رەنگی:- قاتێ سەر ئەردە دێ بۆ خوارنگەهـەکا بەفرەهـ و دیسان قاتێ ئێکێ ژی دێ بۆ دانانا کافتیرییەکێ هێتە بکارئینان.
دیسان مەلەڤانگەهـ و خزمەتگوزاریێن وێ ژی دناڤدانە و ئاڤاهییەکێ دیتر ژی دناڤ پڕؤژەی دا هەیە کو ژ هۆڵا بیرەوەریان ب دوو قاتان دناڤدایە کو قاتێ بن ەرد بۆ پارکێن راوەستاندنا ترومبێلان و قاتێ سەرئەرد ژی بۆ هۆڵا بیرەوەریان دگەل خزمەتگوزاریێن پێتڤی هێتە بکارئینان.
پڕؤژە دێ دماوێ (٣٠) مەهان دا ژلایی وەبەرهێنەر (نووری میرۆ سلێمان) ڤە ب کوژمێ (١.٩٣٠.٨٨٨) ملیونەک نەهسەد و سیهـ هزار و هەشتسەد و هەشتێ و هەشت دۆلاران ل سەر رووبەرێ (٥٢٠٤م٢) ل باژێڕێ بەردەڕەش هێتە بجهئینان.
ل سنورێ باژێرڤانیا (فەیدیێ) مولەت ب پرۆژەکێ وەبەرهێنانێ هاتەدان
پڕۆژەیەکی مۆلەتا وەبەرهێنانێ وەرگرت کو پێنج مەلەڤانگەهـ تێدانە کەرتێ گەشتوگۆزارێ کو ئێک ژ …