سەرەکی چالاکی پڕۆژەیەكێ بەرهەمئینانا كارەبێ ژ هێزا رۆژێ یێ (150) مێگاواتی ب رێكا وەبەرهێنانێ ل دهۆكێ دێ هێتە دانان
پڕۆژەیەكێ بەرهەمئینانا كارەبێ ژ هێزا رۆژێ یێ (150) مێگاواتی ب رێكا وەبەرهێنانێ ل دهۆكێ دێ هێتە دانان
ئەڤرۆ ستافێ كۆمپانیایێن شیناڵ و SCA کو دوو کۆمپانیێن بریتانی و چینی نە سەرەدانا رێڤەبەریا گشتی یا وەبەرهێنانێ كرن و دەربارەی پڕۆژەیێ ١٥٠ مێگاواتی یێ هێزا رۆژێ یێ كارەبێ دگەل رێڤەبەرێ گشتی یێ وەبەرهێنانێ بەڕێز د. هەڤال صديق إسماعيل كۆمبوو.
دكۆمبوونێ دا بەحسا چاوانیا دانان و تەرخانكرنا جهەكێ گونجایی بۆ پڕۆژەی ل دیڤ ستاندارین نێڤدەولەتی و چاوانیا و وەرگرتنا پەسەندا رێڤەبەریێن حكومی هاتەكرن ل دیڤ یاسایا وەبەرهێنانێ .
هەژییە بێژین کو سەرمایێ پڕۆژەی ١٥٠ ملیون دۆلارن و دهێتە چاڤەڕێكرن كو دپاشەڕۆژەكا نێزیك دا دەست ب جێبجێكرنا پڕۆژەی بكەن كو دێ هێزا بەرهەمئینانا كارەبا هەرێما كوردستانێ بلندتر كەت و دێ ب تۆڕا كارەبا گشتی ڤە هێتەگرێدان.
هەر بۆ زانین دوو پڕۆژین بەرهەمئینانا كارەبێ مۆلەتا وەبەرهیێنانێ وەرگرتیە )١٠٠٠میگاوات ل كواشێ و ١٥٠ میگاوات ل شێخان و ئەڤە سێیەمین پڕۆژەیێ بەرهەمئینانا كارەبێ یە ل پارێزگەها دهۆكێ