پڕۆژەیەكێ وەبەرهێنانێ ئومێدەكا گەشە بۆ جۆتیاران
كارگەها چەم یا بەرهەمئینانا مەعجینا تەماتێ ل سێمێلێ پڕۆژەیەکێ ستراتیژی یێ وەبەرهێنانێ یە ل پارێزگه‌ها دهۆکێ دەست بكاربوو و ل ساڵا بهێت دێ بەرهەمێ جۆتیاران ژی وەرگریت.
پڕۆژە پێكدهێت ژ کارگەها ئاڤا باجانکا، مڕەبا، ساس، شەربەت، مایونێز و شتلگەهەکێ و ٣٥٠ دۆنەمێن ئەردی بۆ بەرهەمئینانا باجانکان.
ئەڤ کارگەهـە دکەڤیتە دەەڤەرداریا سێمێلێ ل کۆمەڵگەها گرێگەورێ نۆکە قۆناغا ئێکێ ژێ کو بەرهەمئینانا تەماتێ یە دەستپێکریە و رۆژانە (٦٠) تەنێن باجانکان وەردگریت و هەتا (١٤) تەنێن تەماتێ ژی بەرهەم دئینیت و دێ ل پاشەڕۆژێ دێ هەتا (٥٠٠) تەنێن باجانکا تەماتان وەرگریت.
قوتیکا بەرهەمی (٨٠٠) گرامی و (٤٠٠) گرامی بەردەستە. نۆکە (٦٠) کرێکارێن هەین و پاشەڕۆژێ دێ بنە دۆرێن(١٢٠) کرێکاران، کارگەهـ یا ئامادەیە دپاشەڕۆژێ دا هەماهەنگیێ دگەل جۆتیاران بکەت و ل ساڵا بهێت دێ فێقی ژی ژ جۆتیاران وەرگرن، سەرمایێ پڕۆژەی (٥،٠٠٠،٠٠٠) پێنج ملیۆن دۆلارن و وەبەرهێنەر خۆمالییە و ئەڤ کارگەهـە ل سەر رووبەرێ (٦٢٥٠٠م٢) هاتییە ئاڤاکرن و مۆلەتا ژمارە (١١٠٤) ل ٦/٢/٢٠٢٢ ل وەبەرهێنانا دهۆکێ وەرگرتییە.