پڕۆژەیەکێ وەبەرهێنانێ بۆ ٥٩٤ ئۆفیسێن بازڕگانی مۆلەتا وەبەرهێنانێ وەرگرت

کەرتێ وەبەرهێنانێ رۆژ بۆ رۆژێ روویێ باژێڕێ دهۆکێ جوانتر دکەت و حکومەتا هەرێما کوردستانێ ژی ب هەموو شیوەیەکی پشتەڤانیا سەرمایەدار و وەبەرهێنەران دکەت کو ددانانا ژێرخانەیا شارستانی و گەشەیا ئابووریدا ل کوردستانێ بەشدارببن، هەر دڤێ چارچووڤەیێ دا رێڤەبەریا گشتی یا وەبەرهێنانێ مۆلەت دایە پڕۆژەیێ (THE AVENUE DUHOK) ب سەرمایێ (٥٤.٣٨٠.٥٥٢) دۆلاران کو دێ ژلایێ کۆمپانیا (پاڵۆ) ڤە هێتە ئاڤاکرن.

پڕۆژەیێ ناڤبری ژ دوو تاوەرێن بازڕگانی یێن (٣٠) قاتی پێك دهێت و هەموو پێتڤیێن ژیانێ تێدا هەنە و بڤی رەنگی: قاتێ ژێرئەرد بۆ پارکێن راوەستاندنا ترومبێلان و یەکەیا چارەسەرکرنا ئاڤا گران و کۆگەها ئاڤا پاقژ و یەکەیا کارەبێ و تانکیێ غازێ هاتییە تەرخانکرن.

قاتێ سەرئەرد ب شێوەیێ (DOUBLE VOLUME) ل تاوەرێ (E) بۆ خوارنگەهـ، کافتریا، هژمارەکا دکانان، هۆڵا وەرزشی، هۆڵا یاریێن زارۆکان و جوانکاریێ و ل تاوەرێ (W) بۆ هۆلا وەرزشی، هژمارەکا دکانان، دوو مەلەڤانگەهـ هاتینە دانان.

(٣٠) قاتێن دیتر ژی بۆ (٥٩٤) ئۆفیسێن بازڕگانی ب رووبەرێن جوداجودا هاتینە تەرخانکرن دیسان قاتێن بەیتۆنێ ژی ٥٠٪ بۆ خوارنگەهـ، کافی، هۆڵا یاریان، جوانکاری و ئۆفیسێن تایبەت هاتییە تەرخانکرن.

دیسان پارکێن راوەستاندنا ترومبێلان یێن سەر ئەرد و کەسکاتی و دەڤەرێن ڤەکری ژی دناڤ پڕۆژەیدا هەنە.

بۆ زانین پڕۆژە دکەڤیتە سەر جاددا (KRO) ل ترافیکا زەریلاند.